Ohtsâspargo pargoelimáin
common_HomePalvâlusahOhtsâspargo pargoelimáin

Pargoeellimoovtâstpargo ulmen lii virkkuus já pištevâš savâstâllâm pargoeellim já uáppulájádâs kooskâst. Uáppufalâlduvâst mij kiddip huámmášume pargovievâ kojâlduv já falâlduv nubástussáid já munedep taid uápui vuáváámist. Uánihisškovliittâsah ráhtojeh eidu pargoeellim táárbui várás. Uáppulájádâsâst láá Tuáivunjaargâst pyevtittemsajeh, moh laiguuttuvvojeh iäláttâsâi tárboid. Säämi máttááttâskuávdáá ulmen lii västidiđ vuosâsaajeest sämmilij ärbivuáválij já uđđâ iäláttâsâi ovdedemtárboid orniimáin škovlim já pyereedmáin kuávlu pargolâšvuođâ.

Visteh laiguuttemnáál
teurastamo.jpg Njuovvâmlágádâs já piärgujáludem

Säämi máttááttâskuávdáá Tuáivunjaargâ toimâpääihist lii Suomâ áinoo máttááttemkiävtust leijee poccuunjuovvâmlágádâs. Tot lii uáivildum máttátmân, mut talle ko pääihi alne ij lah máttááttâs, te máttááttâskuávdáš laigut soojijd priivaat puásuituálleid.

common_readmore
nahkamuokkaamo.jpg Čeevđitussim

Njuovvâmlágádâs ooleest lii čeevđitussimlágádâs, kost tuoljijn puáhtá rähtiđ luándunálásii näähki. Sajeh laiguuttuvvojeh ulguubel tuájáráid. Laiguuttem iähtun lii škovlim piergâsij kevttimân.

common_readmore
kalankasittely.jpg Kyelekieđâvuššâm

Tuáivunjaargâ aldasijn láá škoovlâ kyelejáludemsajeh. Sajeh laiguuttuvvojeh áámmátkuálásteijeid pyevtittâsâi vaalmâštmân.

common_readmore

Škovlimsopâmuš

Škovlimsopâmuš (ovdebâš pargoostoppâmsopâmuš, suomâk. työssäoppimissopimus) lii uáppulájádâs já pargosaje koskâsâš sopâmuš tast, et uáppee puátá pargosajan oppâđ. Škovlimsopâmuš ääigi uáppee parga keevâtlijd pargoid, vâi sun juksá jieijâs persovnlii mättim vuáváámân (HOKS) čallum ulmijd. Pargosaje stivree uáppee já noomât pargosajestivrejeijee suu oppâm visásmittem tiet.

Oppâsopâmuš

Oppâsopâmuš vuáđuduvá uáppee já pargoadeleijee koskâsii kirjálii meriáigásii pargo- tâi virgesopâmušân. Uáppee máttáá uđđâ tááiđuid oppâsopâmuššáin iänááš pargosaajeest keevâtlij pargoi ooleest. Pargosaajeest oppâm puáhtá tievâsmittiđ eres oppâmpirrâsijn, om. oppâlájádâsâst. Uáppee okkosâš pargoäigi kalga leđe koskâmiärálávt ucemustáá 25 tijmed.

Oppâsopâmušškovliittâs iähtun lii, et škovlim uárnejeijee já pargoadeleijee sooppâv kirjálávt oppâsopâmušškovliittâs orniimist. Meid irâtteijei puáhtá uárnejuđ oppâsopâmušškovliittâs jieijâs irâttâsâst.

Oppâmpirrâseh

Pargoeellim nubástusah hästih uáppulájádâsâid ohtânmaanoost ovdediđ máttááttâs já oppâlájádâs oppâmpirrâsijd. Oppâm tuárjoo meid ávhástâlmáin eres oppâmpirrâsijguin, moh láá om. pargosajeh, museoh, luándu, tábáhtusah, uáppumääđhih jno. Pargoelimist tarbâšlij máátui oppâmân váttojeh meid äššigâsah, jieškote-uvlágán pargoniävuh já -piergâseh já pargovisteh.

Mij väldip mielâstân vuástá pargosiärvusij ohtâvuođâväldimijd. Kannat ruokkâdávt koijâdiđ lasetiäđuid uáppulájádâsâst já faallâđ oppâmmáhđulâšvuođâid jieijâs pargosaje/seervi/syergi pargoin.

Kyeimivuotâsopâmušah

Uáppulájádâsah pyehtih čoonnâđ kyeimivuotâsopâmušâid irâttâsâiguin/pargosojijguin/servijguin/siärvusijguin. Kyeimivuođâ vuáđđun lii oovtâst sooppum ulme. Kyeimivuotâ lii kuorâttâllum, luáttámušlâš, konkreetlâš já kyevtpiälálâš toimâ, mast kuábáš-uv uásipeeli hiätá. Kyeimivuođâst puáhtá ovtâstittiđ ei. máátuid já áámmáttááiđu, kontaktijd, pargo, tábáhtuumijd, soojijd já projektijd.

Kyeimivuođâst ráhtojeh ohtsiih ulmeh já kyeimivuotâsopâmuš, moos uásipeleh čonâseh.

Oovtâstpargo- já uáppeeprojekteh

Pargosajeh pyehtih porgâđ oovtâst máttááttâskuávdáin maaŋgâlágán uáppeepargoin já uáppoid kullee proojeektpargoin. Oovtâst pyehtih uárnejuđ tábáhtuspeeivih, markkâneh já meesuh jno. Šiev ovdâmeerhah pyereest luhostum oovtâstpargoost pargoelimáin láá tääl jo ärbivuáváliih Ijâttes ijjâ, Ergikunâgâskištoh, Skammâkoveh já Irâtteijee peivi.

Máttáátteijei pargoeellimpajeh

Máttáátteijei pargoeellimpajeh láá tergâdis uási áámmátlii škovlim pargoeellimoovtâstpargoost. Pargoeellimpaajeest máttáátteijei áámmáttáiđu já ohtâvuođah pargoelimân ovdáneh já máhđulâšvuođah olášuttiđ pargosaajeest škovlim já čäittimiskosijd puáráneh. Pargoeellimpajeh pyehtih leđe siskáldâs tááhust maaŋgâmuáđusiih, já tot lii meid pajan vyelgest, uáppusyergist já pargosaje táárbuin kiddâ.

Máttáátteijei pargoeellimpaajeest máttáátteijee máátuh ovdáneh puigâ pargopirrâsist. Pargoeellimpajeh vuávájuvvojeh täärhiht já tain lii čielgâ ulme. Uulmijn suáppoo oovtâst pargosoojijn.

Máttáátteijei pargoeellimpoojijd puáhtá anneeđ ävkkin nuuvt, et máttáátteijee mana pargoeellimpajan siämmáá pargosajan ko uáppee-uv. Tánávt máttáátteijee puáhtá sehe stivriđ uáppee, kii lii meid pargohárjuttâlmist, já stivriđ pargosajestivrejeijee já škovliđ pargosaje pargeid, adai pargeeh uážžuh pargosajestivrejeijee škovliittâs jieijâs pargosaajeest.

Pargosajestivrejeijeeškovliittâsah

Pargosajestivrejeijeeškovliittâsâst pargosaje äššitobdee oovded jieijâs stivrim- já árvuštâllâmtááiđuid.

Pargosajestivrejeijeeškovliittâsâid uárnejeh Säämi máttááttâskuávdáást viermiuáppun jyehi ive.

Škovliittâs heivee puohháid, kiäh tuáimih pargosajestivrejeijen áámmátlii máttááttâsâst teikkâ kiäid kiäsut ovdediđ oppâm keevâtlijn pargoin jieijâs pargosaajeest.

Pargosajestivrejeijeid uápásmiteh stivriimân já árvuštâlmân meid jyehi pargoeellimpaje ohtâvuođâst, mii pargosaajeest uárnejuvvoo.

Lasetiäđuh pargoeellimoovtâstpargoost
Janne Näkkäläjärvi

Janne Näkkäläjärvi

Kehitysjohtaja / ovdedemhovdâ janne.nakkalajarvi@sogsakk.fi

Elle-Maaret Näkkäläjärvi

Elle-Maaret Näkkäläjärvi

Apulaisrehtori / išerehtor elle-maaret.nakkalajarvi@sogsakk.fi

koulutustarjonta-banneri.jpg Occei

SMK:st valmâštuveh olmâ pargoeellim čeepih. Mij ornip škovlim sehe nuoráid já rävisulmuid. Irâttâssáid já siärvádâhháid mij faallâp pargoelimân vuáđudeijee škovlim- já ovdedempalvâlusâid.

common_readmore
opiskelijalle.jpg Uáppei

Tiervâpuáttim kozzâđ uápuid SMK:n! Uáppei-uásán láá čuákkejum Tunjin tiäđuh, moh išedeh uápui ääigi, vâi Tun piergiih argâpeeivi keevâtlâšvuođâiguin já tuu uápuh maneh pyereest.

common_readmore
vaaka-hankkeet.jpg Haavah

Säämi máttááttâskuávdáá joođoost leijee já nuuhâm haavah.

common_readmore
palvelut.jpg Palvâlusah

SMK parga ennuv oovtâst Aanaar kuávlu irâttâsâiguin já eres pargoeellim organisaatioiguin. Mij ovdedep aktiivlávt palvâlusâidân, vâi mij pyehtip faallâđ čuávdusijd pargoeellim tárboid. Mij faallâp vijđes lope-, tohálâšvuotâ-, korttâ- já eres škovliittâsmáhđulâšvuođâid irâttâssáid já siärvusáid.

common_readmore
tietoa-meista-vaaka.jpg Tiäđuh mist

Säämi máttááttâškuávdáš (SMK), tavesämikielân Sámi oahpahusguovddáš (SOG), lii tuáján, puásuituálun já sämikieláid spesiaališum nube tääsi oppâlágádâs, mii uárnee maaŋgâ syergi áámmátlii škovliittâs sehe nuoráid já rävisulmuid.

common_readmore
virtuaaalikoulu.jpg Virtuaalškovlâ

Virtuaalškoovlâst uápuid čođâlditeh káidusuáppun jieškote-uvlágán viermipirrâsijn.

common_readmore