Stivrim já uáppeehuolâttâs
OvdâsijđoUáppeiStivrim já uáppeehuolâttâs

Puoh Máttááttâskuávdáá pargeeh já pargosajestivrejeijeeh oovtâst uáppeehuolâttâsâst västideijee ulmuiguin láá uáppee toorjân suu uápuin. Stivriimist já uáppeehuolâttâsâst västideh oovtâst uáppustivrejeijee, sierânâsmáttáátteijeeh, škovlakuraattor, uáppeehuolâttâsjuávkku já maaŋgâsuárgásâš äššitobdeejuávkku.

SMK uáppustivriimist já sierânâsmáttááttâsâst västid Tea Niemelä, puh. 040 723 7201. Uáppustivrejeijee rävvee uápui vuáváámist já valjiimijn, jotkâuápui muulsâiävtuin já ucâmist.

Áámmátlâš sierânâsmáttááttâs lii uáivildum uáppeid, kiäh tarbâšeh eromâš máttááttâs- já uáppeehuolâttâspalvâlâsâid oppâmvädisvuođâi, puácuvuođâ teikkâ mottoom eres suujâ keežild. Ulmen lii, et uáppee uážžu taggaar máttááttâs, mii vuáđuduvá suu persovnláid iävttoid já mon iššijn luuhâm já jieijâs ovdedem luhostuvá pyeremustáá.

Puoh uáppeeh uážžuh táárbu mield torjuu oppâmân. Jyehi uápuid algâtteijee uáppei tahhojeh luuhâm-, čäällim- já matematiikiskoseh tállán uápui aalgâst. Eromâš torjuu tarbâšeijee uáppei čállojeh HOKS:n sierânâsmáttááttâs tárbu já ton olášuttemvyevih. HOKS ráhtoo oovtâst uáppein já suu huolâtteijeiguin (jis sun lii vuálá 18-ihásâš), juávkkustivrejeijein, sierânâsmáttáátteijein já máhđulávt uáppeehuolâttâs já eres äššitobdeiguin. Vuávám ulmen lii ohtâgâslâš tuárjum uápuin táárbu mield. 

Škovlâkuraattorijn uáppee puáhtá selvâttiđ luuhâmääigi asâmân já ruuđâ kevttimân kyeskee aašijd já finniđ iše eres eellimtile nubástussáid já aašijd moh teddih mielâ.

Luáttámušliih savâstâlmeh pyehtih kuoskâđ ei. oppâmvädisvuođáid, motivaation, kiivsedmân, perruu tilán, jieštoobdon, mielâtilán teikkâ uáivádittee amnâsij kevttimân já eres sorjolâšvuođáid.

Škovlâkuraattorin parga Jaana Leskinen, puh. 040 672 077.

Uáppuhuolâttâsjuávkku vuáváá já oovded tooimâid uáppei pyereestvaijeem pyereedmân. Huámmášume kiddejeh muuneeld estee toimâiguin toos, et oppâmpiirâs lii torvolâš já makkuu já et puohâin lii pargoráávhu.

Uáppuhuolâttâsjuávkun kuleh uáppustivrejeijee, išerehtor, asâttâhstivrejeijee, tiervâsvuotâtipšoo, škovlâkuraattor já táárbu mield eres äššitobdeeh.

Jis tust láá tagareh vädisvuođah oppâmist teikkâ elimist, moid tun tarbâšah ohtâgâslii iše, te tuu oppâm toorjân čuákkejuvvoo jieijâs äššitobdeejuávkku.
Äššitobdeeh pyehtih nomâttuđ tuše talle ko tun mieđah toos. Tiäđuh, maid äššitobdeejuávhu jeessân finnee juávhu jesânin, ferttejeh tolluđ syeligâsâst, ige sun uážu kevttiđ taid tiäđuid mudoi ko uáppeehuolâttâsân lahtojeijee paargon.

Juávhust kieđâvušeh tuu oppâmân já eellimtilán kyeskee aašijd oovtâst já smiettih vuovijd, moiguin tuu uápuin ovdánem, oppâm já eellimhaldâšem pyehtih torjuđ. Juávhust láá aanoost meid toorjâvyevih uáppulájádâs ulguubeln.

koulutustarjonta-banneri.jpg Occei

SMK:st valmâštuveh olmâ pargoeellim čeepih. Mij ornip škovlim sehe nuoráid já rävisulmuid. Irâttâssáid já siärvádâhháid mij faallâp pargoelimân vuáđudeijee škovlim- já ovdedempalvâlusâid.

Luuhâ lase
opiskelijalle.jpg Uáppei

Tiervâpuáttim kozzâđ uápuid SMK:n! Uáppei-uásán láá čuákkejum Tunjin tiäđuh, moh išedeh uápui ääigi, vâi Tun piergiih argâpeeivi keevâtlâšvuođâiguin já tuu uápuh maneh pyereest.

Luuhâ lase
vaaka-hankkeet.jpg Haavah

Säämi máttááttâskuávdáá joođoost leijee já nuuhâm haavah.

Luuhâ lase
palvelut.jpg Palvâlusah

SMK parga ennuv oovtâst Aanaar kuávlu irâttâsâiguin já eres pargoeellim organisaatioiguin. Mij ovdedep aktiivlávt palvâlusâidân, vâi mij pyehtip faallâđ čuávdusijd pargoeellim tárboid. Mij faallâp vijđes lope-, tohálâšvuotâ-, korttâ- já eres škovliittâsmáhđulâšvuođâid irâttâssáid já siärvusáid.

Luuhâ lase
tietoa-meista-vaaka.jpg Tiäđuh mist

Säämi máttááttâškuávdáš (SMK), tavesämikielân Sámi oahpahusguovddáš (SOG), lii tuáján, puásuituálun já sämikieláid spesiaališum nube tääsi oppâlágádâs, mii uárnee maaŋgâ syergi áámmátlii škovliittâs sehe nuoráid já rävisulmuid.

Luuhâ lase
virtuaaalikoulu.jpg Virtuaalškovlâ

Virtuaalškoovlâst uápuid čođâlditeh káidusuáppun jieškote-uvlágán viermipirrâsijn.

Luuhâ lase