Boazodoalu ámmátdutkkus
common_HomeOhccáiSkuvlenfálaldatBoazodoalu ámmátdutkkus

Boazodoalu ámmátdutkkus

Boazodoallu rievdá olles áigge. Eará eanangeavaheami lassáneapmi, EU, biergomárkanat ja birasgáhtten ásahit hástalusaid boazodollui. Boazodoalu máhttima lassin badjeolbmos gáibit ovttasbargodáidduid, kommunikašuvdna- ja diehtoteknihkalaš dáidduid ja láhkaásaheami dovdamuša. Ovdáneamis mielde bissun gáibida ámmátmáhtu bajásdoallama, suorggi ovdáneami čuovvuma ja daid ávaštallama.

Boazodoalu ámmátdutkkus addá lasseárvvu ja vejolašvuođaid dieđuid ja máhtu lasiheapmái. Dutkosa dahje osiid das čađaheapmi buktá máhtu oidnosii. Dutkosa čađaheapmi addá maiddái joatkkastuderengelbbolašvuođa ámmátallaskuvlii dahje universitehtii.

Boazodalu ámmátdutkosa sáhttá háhkat geabbilit barggu olis. Geavatlaš boazodoalu hálddašeapmi lea guovddáš oassi ámmáha. Boazodoalu ámmátdutkkusskuvlejumis boazodoalu máhtu viiddiduvvo geavatlaš ja geabbilis skuvlejumiin. Skuvlejumis lea vejolašvuohta oažžut suorggi ođđaseamos dieđuid ja ovddidit ovttasbarggu ja hukset fierbmádaga eará boazodolliide. Iešguđet guovllu badjeolbmot oahpásnuvvet nuppiidasat ja ohppet eará guovllu boazodoalu. Dát juos mii, lasiha badjeolbmo ámmátčevlodaga.

 

Tutkintonimike

Alkaa

Laajuus

150 mč

Hakuaika

Jatkuva haku

Sámi oahpahusguovddáža bissovaš ozus sáhttá ohcat birra jagi. Jeara álginvejolašvuođain oahppodoaimmahagas.

Sijainti

Opetusmuoto

Maksut

Hae koulutukseen

Dutkosa čađaheapmái gáibiduvvo bákkolaš ja guovtti válja oasi dohkkehuvvon čađaheapmi. Oahpuide lea bissovaš ohcan ja ohcama oktavuođas dahkko persovnnalaš máhttima ovddidanplána.

Eará ohccit (elektrovnnalaš ohcanskovvi) Eará ohccit (pdf-skovvi printenláhkai)

Manne badjeolbmo, guhte juo hálddaša vuođđoboazodoallodieđuid, gánneha čađahit ámmátdutkkus dahje osiid das? Danin, ahte skuvlejupmái oassálastin doarju máhtu viiddideami.

  • addá dieđuid ja dáidduid hálddašit eiseválddiid dahkan norpmaid ja mearrádusaid
  • addá lasseárvvu omd. deavdá nuorra fitnodatdoalli álggahandoarjaga gáibadusaid - doarju badjeolbmuid ođđa hástalusaid ovddas
  • buorida fitnodatdoalu dáidduid -buorida birgejumi, go gilvvohallan lassána -buorida boazodoalu gánnáhanvuođa
  • nanne boazodolliid gaskasaš fierpmádaga
  • nanne dáidduid doaibmat iešguđet fierpmádagain
  • lasiha badjeolbmo ámmáha árvvu
  • dieđut ja dáiddut lasihit badjeolbmo ámmátčevlodaga.

BOAZODOALU ÁMMÁTDUTKOSA 150 mč

Ámmátdutkkus sisttisdoallá guokte bákkolaš ja njeallje válja dutkosa oasi. 

Bákkolaš dutkosa oasit 90 mč

  • Boazodoalu plánen ja ollášuhttin 60 oč
  • Boazodollofitnodatdoallin doaibman 30 mč

Válja oasit dutkosis 60 mč

  • Bohcco lágádusnjuovvan 30 mč
  • Bohcco ruvjen ja biergočuohppan 30 mč
  • Buvttaovddideapmi boazodoalus 30 mč
  • Bálgosa hálddahusbarggus doaibman 30 mč
  • Árbevirolaš boazomateriála buvttadeapmi 30 mč
  • Dutkosa oassi dahje oasit eará ámmátdutkosis dahje spesiálaámmátdutkosis 30 mč

Dutkosa čađaheapmái gáibiduvvo bákkolaš ja guovtti válja oasi dohkkehuvvon čađaheapmi. Oahpuide lea bissovaš ohcan ja ohcama oktavuođas dahkko persovnnalaš máhttima ovddidanplána.

Doaivonjárgga oahpahusnjuovahagas lea buorre oahppandilli njuovvama ja bierggu gieđahallama oahppamii ja čeahpes bargoveahka. Bures boahtin!

Lisätietoja
Tea Niemelä

Tea Niemelä

opinto-ohjaaja, erityisopettaja 040 723 7201 tea.niemela@sogsakk.fi

Saamelaisalueen koulutuskeskuksen opintotoimisto

Saamelaisalueen koulutuskeskuksen opintotoimisto

040 707 3793 opintotoimisto@sogsakk.fi