Vuástáväldimpargee

Tuuriism lii almugijkoskâsâš äššigâspalvâlemsyergi, kost láá maaŋgâlágán pargoh. Mist Säämi máttááttâskuávdáást tun puávtáh čođâldittiđ mađhâšemsyergi vuáđutotkos, kost valmâštuvá mađhâšempalvâlusâi pyevtitteijen, mätkiäššitobden teikkâ vuástáväldimpargen jieijâd perustume mield.

Halijdiččih-uv tun porgâđ hotellist teikkâ eres ijâstâllâmfinnoduvâst? Porgâđ maaŋgâlágán ijâstâllâmfinnoduvâi äššigâspalvâlempargoin? Väridiđ äššigâssáid viistijd, čäälliđ sii siisâ já olgos? Oovdânpyehtiđ já vyebdiđ puohtuid já palvâlusâid? Uápistiđ ulmuid páihálij mađhâšempalvâlusâi kevttimist? Jis tun västidih joo, te vuástáväldimpargee pargo puávtáččij leđe tuu hommá!

Tuđhos nomâttâs

Vuástáväldimpargee

Älgiđ

10.8.2023

Vijđodâh

180 mč

Uuccâmäigi

21.2.-21.3.2023

Nuhâmettum uuccâmäigi

Säämi máttááttâskuávdáá oovtmanolâš ucâmist puáhtá uuccâđ pirrâ ive. Koijâd älgimmáhđulâšvuođâin oppâtoimâttuvvâst.

Sajadâh

Aanaar

Máttááttâs häämi

Aldamáttááttâs

Maaŋgâpiälálâš oppâm

Mađhâšemsyergi vuáđutođhosškovlim lii maaŋgâhámásâš já tuálá sistees iänááš pargopääihist oppâm. Máttááttâs máttáátteijein lii iänááš káidusmáttááttâssân viermist, já ton lasseen láá motomeh pajeh Anarist Säämi máttááttâskuávdáá oppâmpirrâsist. Uásálistmáin škovliittâsân tun uážuh maaŋgâpiälálii uáinu mađhâšemsyergi jieškote-uvlágán pargoid, mättim kuávlulijn eromâšjiešvuođâin já páihálii kulttuurist já kiärgusvuođâid jieijâd mađhâšemirâttâs vuáđđudmân Suomâst. Škovlim kulá uápputorjuu/rävisulmui škovlimtorjuu olán.