Luándu- já pirâssyergi vuáđutođhos

Luándustivrejeijee lii maaŋgâ syergi čeppi. Vijđes luándu- já kulttuurtubdâm ovtâstittum meecist toimâm táiđoid lii noonâ vuáđu luándustivrejeijee áámmátân. Luándustivrejeijee pargo lii meiddei ovdâsvástádâslâš äššigâspalvâlem, mast luándustivrejeijee fáálá äššigâssáid luándunálásijd fiäránijn já juáhá tiäđu luándust, ton almonijn já páihálii kulttuurist.

Uápuh láá keevâtliih já siskeldeh vuossâmuu ive vuáđutááidui já -tiäđui máttááttem. Taah láá iärásij lasseen meccitááiđui, pargo- já meccipiergâsij, luándutubdâm já sämikulttuur máttááttem. Nubbe ihe lii nuuvt kočodum pargoeellimihe, kuás ovdedeh aššigâspalvâlem- já stivrimtááiđuid sehe aldamáttááttâsâst škoovlâst já keevâtlijn pargoin syergi pargosoojijn.

Luándustivrejeijee škovlim addel puorijd máhđulâšvuođâid jieškote-uvlágán äššigâsjuávhui stivriimân maaŋgâin luánduaktiviteetijn. Mii kuávlust mađhâšem lassaan ain, já áámmáttáiđuliih stivrejeijeeh já uápisteijeeh tarbâšuvvojeh. Meiddei pargomáhđulâšvuođah maaŋgâi áámmátij, nuuvt ko sosiaal- já tiervâsvuotâ- já piämmupalvâlemsyergi raajijn láá lassaanmin.

Tuđhos nomâttâs

Luándustivrejeijee

Älgiđ

13.8.2024

Vijđodâh

180 mč

Uuccâmäigi

20.2.-19.3.2023

Nuhâmettum uuccâmäigi

Säämi máttááttâskuávdáá oovtmanolâš ucâmist puáhtá uuccâđ pirrâ ive. Koijâd älgimmáhđulâšvuođâin oppâtoimâttuvvâst.

Sajadâh

Tuáivunjargâ, Kaamâs

Máttááttâs häämi

Aldamáttááttâs