Mađhâšem äššigâspalvâleijee

Tuuriism lii almugijkoskâsâš äššigâspalvâlemsyergi, kost láá maaŋgâlágán pargoh. Mist Säämi máttááttâskuávdáást tun puávtáh čođâldittiđ mađhâšemsyergi vuáđutotkos, kost valmâštuvá mađhâšempalvâlusâi pyevtitteijen, mätkiäššitobden teikkâ vuástáväldimpargen jieijâd perustume mield.
Halijdah-uv tun porgâđ mađhâšempalvâlusâi pyevtitmân já olášutmân lohtâseijee ohjelm- já äššigâspalvâluspargoin? Vuáváđ, markkânistiđ, vyebdiđ já olášuttiđ ohjelmpalvâlusâid? Hoittáđ já huolâttiđ palvâlusâin tarbâšlijd elleid, pargoniävuid, riäiduid já toimâmpirrâs še? Jis tun västidih joo, te mađhâšempalvâlusâi pyevtitteijee pargo puávtáččij leđe tuu hommá!

Tuđhos nomâttâs

Mađhâšem äššigâspalvaleijee

Älgiđ

13.8.2024

Vijđodâh

180 mč

Uuccâmäigi

20.2.-19.3.2024

Nuhâmettum uuccâmäigi

Säämi máttááttâskuávdáá oovtmanolâš ucâmist puáhtá uuccâđ pirrâ ive. Koijâd älgimmáhđulâšvuođâin oppâtoimâttuvvâst.

Sajadâh

Aanaar

Máttááttâs häämi

Aldamáttááttâs

Maaŋgâpiälálâš oppâm

Mađhâšemsyergi vuáđutođhosškovlim lii maaŋgâhámásâš já tuálá sistees iänááš pargopääihist oppâm. Máttááttâs máttáátteijein lii iänááš káidusmáttááttâssân viermist, já ton lasseen láá motomeh pajeh Anarist Säämi máttááttâskuávdáá oppâmpirrâsist. Uásálistmáin škovliittâsân tun uážuh maaŋgâpiälálii uáinu mađhâšemsyergi jieškote-uvlágán pargoid, mättim kuávlulijn eromâšjiešvuođâin já páihálii kulttuurist já kiärgusvuođâid jieijâd mađhâšemirâttâs vuáđđudmân Suomâst. Škovlim kulá uápputorjuu/rävisulmui škovlimtorjuu olán.