SMK:st tun puávtáh oppâđ áámmát jieijâd pálgá mield: jyehi uáppei ráhtoo persovnlii mättim ovdedemvuávám (HOKS).

Säämi máttááttâskuávdáš uárnee sämikielâ já -kulttuur máttááttâssân uánihis škovliittâsâid iänááš jieškote-uv paaihijn sämikuávlust. Lope-, tohálâšvuotâ-, korttâ- já eres uánihisškovliittâsah uárnejuvvojeh kuávlu tárboid, om. alkohollahâasâttem, hygieniamättim, tullâpargoh, pargotorvolâšvuotâ já mađhâšem torvolâšvuotâpassi.

Áámmátlii škovliittâs uđâsmum lahâasâttem tiet meid Säämi máttááttâskuávdáš puáhtá faallâđ máhđulâšvuođâid olášuttiđ škovlim oppâsopâmuššáin.

Irâttâsâi tárboid uárnejuvvoo pargei škovliittâs oovtâst sooppum siskáldâsâi já äigitaavlui mield. Vääldi ohtâvuođâ uápputoimâttâhân já vuolgât viestâ, te mij väldip ohtâvuođâ.

Säämi máttááttâskuávdáást lii máhđulâšvuotâ orniđ ornimlove mield tođhosškovliittâsâid já taid totkosáid lahtojeijee škovlim, mii jieŋâlmit tâi tievâsmit áámmátlijd máátuid mut mon mittomeerrin ij lah totkos teikkâ ton uási čođâldittem.

Oovtâstpargoost TE-haldâttâssáin Säämi máttááttâskuávdáást lii mahđulâšvuotâ orniđ pargoviehâškovliittâs kuávlu pargoeellim tárboid.