Säämi máttááttâskuávdáá almugijkoskâsii tooimâ ulmen lii siäiluttiđ já ovdediđ sämmilij já eres tavekuávlu aalmugij kielâid, kulttuur já ärbivuáválijd iäláttâsâid.
Almugijkoskâsii tooimâ čuosâttâhkuávlun lii ubâ arktisâš kuávlu, mii tuálá sistees Tave-enâmijd, Ruošâ, Kanada já Ovtâstum staatâid (Alaska).
Puásui já puásuituálu iäláttâssân čana tavekuávlu aalmugijd oohtân. Ive 2007 vuáđudum BEBO-organisaatiost Säämi máttááttâskuávdáš tuáimá njunošjesânin. Oovtâst pargeh meid ei. tuojijn, turismijn, mediain já kielâiguin.
Säämi máttááttâskuávdáš lii Arktisii ollâopâttuv jeessânuáppulájádâs. Jeessânvuođâ tiet uáppee- já äššitobdeeloonootmeh tábáhtuveh vijđáht ubâ arktisii kuávlust. Uáppeeloonootmeh láá-uv tehálâš uási almugijkoskâsii pargoost.
University of Alaska Fairbanksijn lii Säämi máttááttâskuávdáást oovtâstpargosopâmuš puásuituálu škovliimist. Puásuituálu máttáátteijee tuáimá pele ivveest Alaskast UAF išeprofessorin.