Sámi oahpahusguovddáš Anáris lea 13.3.2020 beaivádan rávvagiid, mat gusket koránavirusepidemiijai ráhkkaneapmái. Oahppolágádus sirdašuvvá gáiddusoahpahussii vuossárgga 16.3.2020 rájes, mii bistá gitta 9.4.2020 rádjai. Studeanttat eai boađe oahppolágádussii sisa gáiddusoahpahusa áigge. Ásodat giddejuvvo. Buot oanehašskuvlejumit gaskkalduhttojit ja buot álgi skuvlejumiid álggahanbeaivvit sirdašuvvet dobbelabbui.
Oahppolágádus ii váldde gussiid vuostá ja uvssat leat lohkas. Maid bargit bargagohtet gáiddusin ruovttukantuvrraid bokte. Bargit galget oažžut vuos rektoris sierra lobi, juo sii galget beassat bargat oahppolágádusa kántorlanjain.
Oahppolágádus ávžžuha, ahte studeanttat ja bargit garvet dakkár sajiid, gos lea stuorra riska oažžut koránavirusa njoammuma. Sii berrejit maid čuovvut virgeoapmahaččaid ja oahppolágádusa dieđáhusaid.