Turismabálvalusaid buvttadeaddji

Turisma lea riikkaidgaskasaš áššehasbálvalansuorgi ja suorggi barggut leat máŋggaláganat. Mis Sámi oahpahusguovddážis sáhtát čađahit turismabálvalusa vuođđodutkosa, gos gárvvásmuvat turismabálvalusaid buvttadeaddjin, mátkeáššedovdin dahje vuostáiváldinbargin iežat beroštumi mielde.

Háliidatgo doaibmat turismabálvalusaid buvttadeapmái ja ollašuhttimii laktáseaddji prográmma- ja áššehasbálvalanbargguin? Plánet, márkanastit, vuovdit ja ollašuhttit prográmmabuktagiid? Dikšut ja fuolahit maiddái elliin, vearjjuin, neavvuin ja doaibmanbirrasis, maid dárbbašat bálvalusain? Juos vástidit juo, sáhtášii turismabálvalusaid buvttadeaddji bargu leat du suorgi!

Àlgit

10.8.2023

Viidodat

180 mč

Ohcanáigi

21.2. – 21.3.2023

Bissovaš ohcanáigi

Jeara lasi oahppodoaimmahagas

Sajus

Anár

Máŋggabealat studeren

Turismasuorggi vuođđodutkkusskuvlejupmi lea máŋggabealat ja sisttisdoallá eanáš bargosajis oahppama. Lagasoahpahus oahpaheddjiin lea eanáš gáiddusoahpahussan neahtas ja lassin muhttin bajiid Anáris Sámi oahpahusguovddáža oahppanbirrasis. Go oassálasttát skuvlejupmái, oaččot máŋggabealat oainnu turismasuorggi iešguđetlágan bargguin, oahpu guovlluid iešvuođain ja báikkálaš kultuvrras ja válmmašvuođa iežat turismafitnodaga vuođđudeapmái Suomas. Skuvlejupmi lea oahppodoarjagii/rávesolbmuidskuvlendoarjagii heivvolaš.