Báikegottis ordnejit jahkásaččat máŋggaid sámekultuvrra dáhpáhusaid, dego álgoálbmogiid riikkaidgaskasaš ealligovvafestivála Skábmagovaid, álgoálbmogiid musihkkadáhpáhusa Ijahis Ija ja Heargegonagasgilvvuid. Anára girkogilis lea sámemusea ja luondoguovddáš Siida, mii lea bivnnut deaivadanbáiki ja čájáhusguovddáš. Anára girkogillái jagis 2012 gárvánan sámekulturguovddáš Sajos lea Suoma sápmelaččaid hálddahusa ja kultuvrra guovddáš, gos ordnejit ollu iešguđetlágan dáhpáhusaid, ee. ealligovvariekkis Filbmari doaibmá Sajosis. Filbmari doaimmain muitaluvvu ealligovvariekkis Filbmari fb-siidduin.