Turismaáššedovdi

Turisma lea riikkaidgaskasaš áššehasbálvalansuorgi ja suorggi barggut leat máŋggaláganat. Mis Sámi oahpahusguovddážis sáhtát čađahit turismabálvalusa vuođđodutkosa, gos gárvvásmuvat turismabálvalusaid buvttadeaddjin, mátkeáššedovdin dahje vuostáiváldinbargin iežat beroštumi mielde.

Háliidatgo doaibmat vuovdin- ja rávvenbargguin? Plánet, buvttadit, márkanastit ja vuovdit turismabuktagiid ja -bálvalusaid? Rávvet áššehaččaid iešguđet turismabálvalusaid oastimis? Juos vástidit juo, sáhtášii turismaáššedovdi bargu leat du suorgi!

Dutkkusnamma

Turismaáššedovdi

Àlgit

10.8.2023

Viidodat

180 mč

Ohcanáigi

21.2. – 21.3.2023

Bissovaš ohcanáigi

Jeara lasi oahppodoaimmahagas

Sajus

Anár

Makkár bargguide oaččot gelbbolašvuođa?

Go čađahat turismasuorggi vuođđodutkosa, oaččot viiddes gova turismasuorggis ja sáhtát bargat fitnodagain, mat fállet idjadeami, iešguđet prográmmabálvalusaid, turismarávvehaga dahje vaikko turismamárkanastima.

Máŋggabealat studeren

Turismasuorggi vuođđodutkkusskuvlejupmi lea máŋggabealat ja sisttisdoallá eanáš bargosajis oahppama. Lagasoahpahus oahpaheddjiin lea eanáš gáiddusoahpahussan neahtas ja lassin muhttin bajiid Anáris Sámio ahpahusguovddáža oahppanbirrasis. Go oassálasttát skuvlejupmái, oaččot máŋggabealat oainnu turismasuorggi iešguđetlágan bargguin, oahpu guovlluid iešvuođain ja báikkálaš kultuvrras ja válmmašvuođa iežat turismafitnodaga vuođđudeapmái Suomas. Skuvlejupmi lea oahppodoarjagii/rávesolbmuidskuvlendoarjagii heivvolaš.