![]()
Vássán ja loahpahuvvon dáhpáhusat
Digipedagogihkka buorit geavadagat vuođđoskuvllas -skuvlejupmi
Jagi 2020 tutoroahpaheaddji Päivi Katainen doalai skuvlejumi digipedagogihkka birra 12.10.2021. Skuvlejupmi ollašuhttojuvvui MS Teams -birrasis.
Jietna bargoreaidun! -válbmen
Skuvlejupmi ordnejuvvui ovttasbarggus Sámedikki skuvlen- ja oahppomateriáladoaimmahagain 8.-10.10.2021. Skuvlejupmi bisttii vahkkoloahppa ja oassálastit ožžo bagadeami iežaset jiena ávkkástallamii. Skuvlejeaddjin doaimmai Mumeniid vákkis oahpis Susa Saukko. Loga eanet Sámedikki neahttaartihkkalis.
Microsoft Teams -birrasa geavaheapmi online-bargobádjin
Sulava Oy skuvlii 4.10.2021 MS Teams -birrasa geavaheami ávkin lágidettiin fierpmis bargobájiid. Skuvlejupmi lei fálaldat guovllu virgeolbmuide iešguđet ásahusain, fitnodatolbmuide sihke earáide geat leat beroštuvvan fierbmebargobájiid lágideamis.
MS Teams geavaheapmi bargobádjin -skuvlejumis sisdoallun lei:
- Vuorrováikkuhus Teamsis
- Smávvajoavkkuid bargobájiid lágideapmi
- Virtuála oahppankafea ávkkástallan bargometodan
- Whiteboard (vilgesárka) ja Forms -gažadeamit oassin searválas bargama
Skuvlejumi čađahii Marianna Halonen Sulava Oy:s.
Buresveadjima huksen korona maŋŋá -áššedovdiskuvlejupmi
Erja Sandberg skuvlii maiddái 27.9.2021 buresveadjima huksema birra korona maŋŋá.
Positiivvalaš pedagogihkka -áššedovdiskuvlejupmi
Erja Sandberg logaldalai 20.9.2021 positiivvalaš pedagogihkka birra. Son lea bajásgeassindiehtagiid doavttir ja spesiálpedagoga, ADHD-áššedovdi Erja Sandberg. Son lea maiddái diehtogirjjálašvuođa čálli, neuropsykologalaš válbmejeaddji, ja bargobagadalli, guhte ohcá bagademiid bokte čovdosiid. Sus lea maid gelbbolašvuohta doaibmat rektorin.
Cloubi-digioahppomateriálavuođu skuvlejupmi
14.6.-10.8.2021 lágiduvvui Sámedikki skuvlen- ja oahppomateriáladoaimmahagain fárrolagaid skuvlejupmi Cloubi-digimateriálavuođu geavaheapmái. Cloubi-oahppomateriála rabas digimateriálaide sáhttá oahpásmuvvat Sámedikki Rabas digimateriálat -neahttasiidduin. Jus leat beroštuvvan Cloubi-vuođu geavaheamis, váldde oktavuođa Sámedikki oahppomateriálačállái Paavvâl Piättâr Piäkkáá Heeihâ Petrai, Petra Kuuvai. Sutnje oktavuohta lea petra.kuuva (ät) samediggi.fi.
Sámegiella gáiddusoahpahusas -skuvlejupmi 28.1.2021
Skuvlejupmi lea oaivvilduvvon sámegielat oahpaheddjiide ja giela oahpahusas beroštuvvan olbmuide.
Skuvlejumis Lappi Universitehta dutki ja Árktalaš pedagogihkka II -prošeavtta áššedovdi Pigga Keskitalo muitalii sámegiela oahpahusas gáiddusoahpahusas. Hanna Helander ja Arla Magga muitaleibba Ohcejoga gieldda ja Suoma Sámedikki oktasaš Sámegielaid gáiddusoahpahusa pilohttafitnu vásáhusain. Oassálastit besse maiddái ságastallat joavkkuin sin jurdagiin. Skuvlejupmi ollašuhttojuvvui MS Teams -birrasis ja giellan lei davvisámegiella.
Sámeoahpahusa digioahppanfierpmádat
Sámeoahpahusa digioahppanfierpmádaga dárkkuhussan lea čohkket oktii sámeoahpahusa áššedovdiid. Ulbmilin lea fállat digitála biras, mas juohkehaš fierpmádaga láhttus lea vejolašvuohta juohit iežas buvttadan materiálaid, govaid, videoid ja liŋkkaid earáide. Dan lassin láhttut sáhttet ságastallat sámeoahpahusa metodain, vásihusain ja ideain.
- Fierpmebirrasa almmolaš oassái sáhttá gii beare oahpámusvvat čuovvovaš liŋkkas (rahpasa sierra lássii).
- Searvva donge mielde, jus gulat fierpmádaga ulbmiljovkui; don leat sámegielat oahpaheaddji ja dahje leat lohkamin sámegielat oahpaheaddjin, leat oahppomateriálabuvttadeaddji dahje sámegiela giellameaštir. Lassedieđut mielláhttun searvamis sáhttát lohkat eanet Sámeoahpahusa digioahppanfierpmádaga birrasis (rahpasa sierra lássii).
Fierpmádaga dáhpáhusat
Eará vássán dáhpáhusat
Fámolaš boazu ja čáppa luondu -čuovgagovvačájahus
Čuovgagovvačájahusa ulbmilin lei ovdanbuktit Sámi oahpahusguovddáža boazodoallo- ja luondduofelašskuvlenprográmmaid oahppanprošeavtta bohtosiin. Čájáhusprošeavtta plánejedje ja ollašuhtte Lappi universitehta govvadáiddabajásgeassima studeanttat.
Čájáhusa lei Sámi oahpahusguovddáža Anára doaibmabáikkis oaidninláhkai 21.1.-21.2.2020, Roavvenjárggas Lappi universitehta galleriijas 28.1.-13.2.2020. Čájahusa olis studeanttaide ordnejuvvui oahpomátkki Roavvenjárgga rahpandilálašvuhtii. Dál čájáhus bistevažžat oaidninláhkai Sámi oahpahusguovddáža Silbaladdo doaibmabáikkis. Loga čájahusa sirdima birra eanet davvisámegillii min suomagielat siidduid áigeguovdilis ođasartihkkalis.
Eanet suomagillii ollašuhttojuvvon dáhpáhusain prošeavtta suomagielat siidduin.