Sámi oahpahusguovddáža (SOG) váldoulbmilin lea seailluhit ja ovddidit sámekultuvrra, sámegielaid ja árbevirolaš ealáhusaid. Dát ulbmil lea mis njunnošis oahppolágádusa fitnuid ja riikkaidgaskasaš doaimmain. Sámi oahpahusguovddážis lea riikkaidgaskasaš ovttasbargu Árktalaš guovllu eamiálbmogiiguin. Váldodoaibmaguovlun lea sirkumpolára Árktalaš guovlu. Sámi oahpahusguovddážis leamaš jagiid mielde ollu iešguđetlágan álbmotlaš ja riikkaidgaskasaš skuvlen- ja ovddidanfitnut.
Min oahppolágádus lea bivnnuhis galledanbáiki, nuba galledemiid plánedettiin mii bivditge váldit vuhtii, ahte min oahppolágádusa oahpahus ja bargoráfi dorvvastuvvo. Máŋggain min oahpuin ja fitnuin leat čanastagat eamiálbmogiid árbevirolaš dihtui, dan sirdimii ja suodjaleapmái. Dáid buohta mii čuovvut kultursensitiivvalašvuođa, mii oaivvilda dan, ahte ovdamearkka dihte dalle, jos háliida govvet dahje jearahallat min studeanttaid, de dasa galgá jearrat sierra lobi. Min oahppolágádus eai leat nu ollu resurssat, de danin dutkan- ja ovddidanbargguide oassálastin ja oahppolágádusa galledemiid ordnen leat dakkárat maid ovddas galgá máksit. Álo eat dađi bahábut nagot vástidit buot galledanbivdagiidda.
Sámi oahpahusguovddáš prioritere galledemiid oktavuođas iežas ovttasbargoguimmiid, joavkkuid ja organisašuvnnaid, maiguin mii leat dahkamušas, maidda mis leat čanastagat dahje maiguin mii dahkat fidnoovttasbarggu. Jos háliidat galledit min oahppolágádusa, de čális dieđu čujuhussii visit@sogsakk.fi.
