Duodji
Duodji lea guovddáš oassi sámekultuvrras. Min duodjeskuvlejupmi vástida dánáigásaš hástalusaide geavahemiin ja heivehemiin árbevirolaš máhtu. Oahpuid áigge oahppiid hutkáivuohta, giehtadáiddut ja nákca čoavdit váttisvuođaid nanosmuvvet.
-
Čikŋageađgi ja metállasuorgiČikŋageađggi ja metállasuorggi oahpuid vuođđodutkosis vuosttamuš jagi váldodeaddu lea sámečiŋain ja vuođđoteknihkain nu geađgebargguin go metállabargguin. Nuppi jagi álggus oahppit válljejit oahpuid beroštumiidis mielde, vajálduhtekeahttá muhtun buohkaide oktasaš vuođđohárjehusaid.
-
Dipma duojitDipma dujiid suorggis oahppi bargama vuolggasadjin lea su iežas sohka/servodat ja guovlu duodjekultuvrras.
-
Garra duojitGarradujiid skuvlejumis váldomateriálan leat bohcco čoarvvit ja dávttit, soagi báhkit ja earát muorramateriálat ja stálli mii geavahuvvo bargobiergasiid válmmašteapmái. Skuvlejumis oahppat geavahit viidásit sierra teknihkaid materiálaid ávnnasteapmái ja doarjut oahppi iežas hábmengiela ja ámmátidentitehta gávdnamis. Suorggi sáhttá stuđeret vuođđodutkkus-, ámmát- dahje spesiálaámmátdutkkusskuvlejumiin.