Doaibmanrávvagat gáiddusoahppái

Oaččot liŋkka (virtuálaluohká čujuhusa) Adobe Connectii ovdal vuosttamuš logaldallama du šleađgapostii ICT-veahkkebálvalusas. Adobe Connect –luohkkái searvamii it dárbbaš suollemassáni.  

1. Stelle Adobe Connect -bargobeavdeheivehusa iežat dihtorii buriin áiggiin ovdal oahpahusa álgima ja geahččal ahte jienat doibmet (geahča dárbbu mielde videorávvaga suomagillii).
   1. Windows (64 bit) : www.adobe.com/go/ConnectShell11    
   2. Mac (iOS) : https://www.adobe.com/go/ConnectMac11Plus
2. raba Adobe Connect -bargobeavdeheivehusa ja čále virtuálaluohká čujuhusa bajimus ráidui ja deaddil alit Continue-boalu   
3. ruvttui boahtá Adobe Connect sisačálihansiidu. Čálit iežat sisa sajis Guest; it dárbbaš geavaheaddjidovddaldaga itge suollemassáni. Čále Name-sadjái olles namat ja deaddil Enter Room. 
4. Ovdal go boađát luohkkái Adobe Connect bivdá dárkkistit jietnaapparáhta ja kámera, nuba dagathan dan fuolalaččat dárkkistemiin, ahte heivehus lea dovdán du headset ja kámera.  
5. Gáiddusčoahkkinluohkás oaččot mikrofovnna rabas ja gitta bajábeale fálus mikrofovdna-govažis. Muitte addit mikrofovnna geavaheapmái lobi go prográmma jearrá dan.

• Adobe Connect vuođđodoaimmat oahppi dáfus -videoráva suomagillii: https://dreambroker.com/channel/vs83mq96/qgevfpt8  
• Adobe Connect rávvagat oahppái suomagillii: https://sogsakk.adobeconnect.com/ac_sv_ohje_opiskelijalle/

Ráfálaš báiki 

• Ordne alccesat nu ráfálaš báikki go vejolaš, gos eai gullo badjelmearálaš jienat eaige boađe badjelmearálaš gaskkalduhttimat gáidduslogaldallama áigge. 

Álo seammá apparáhtat 

• Jos vejolaš, geavat álo seammá apparáhtaid dahje dihtora, web-kámera ja headsetta. 

Heivvolaš čuovga 

• Mana báikái gos lea dássidis ja doarvái buorre čuovga. Ale ovdamearkka dihtii čohkká čielgi lása guvlui, dasgo dalle web-kámera govva ii oidno čielgasit.

Skáhpo alccesat gáiddusoahpahussii heivvolaš headsetta (bealjusmicrofona -kombinašuvdna) ja web-kámera. 

Figgat geavahit web-kámeraid gáidduslogaldallamiid áigge, dasgo sagastallan dahje rávven ovttas govain ja jienain lasiha oahppiid searvvušlašvuođa dovddu ja geahpeda gáiddusvuođa dovddu.

Jos vejolaš de geavat ođđasamos Windows- dahje iOS-geavahanvuogádaga. Geavat álo seammá dihtora, vai ovdastellemiid ii dárbbaš čađahit juohke háve ođđasit. Doala iežat dihtora beaivádemiid áigeguovdilin, vai dat doaibmá buoremus vejolaš vugiin.

Fuom! Ale oassálaste gáidduslogaldallamii mobiilaapparáhtain, dasgo gáiddusvuogádagaid ja earáid oahppamii dárbbašahtti heivehusaid geavaheapmi seammá áigge ii lihkostuva, ja jiena fuones kvalitehta hehtte earáid oassálastiid.

Jos vejolaš, de skáhpo atnui unnimustá guokte šearpma, dasgo dat álkidahttá gáiddusoahppamis dárbbašahtti heivehusaid geavaheami seammá áigge.

Vai gáiddusoahppamis livčče teknihkalaččat nu unnán hehttehusat go vejolaš, internet-oktavuohta galggašii leat nu luohtehahtti go vejolaš.

Sihkkaraste gáidduslogaldallama áigge, ahte dus leat dušše beare dárbbašahtti heivehusat rabas.

Jos gáiddusoahpahusas geavahuvvo Microsoft Teams gáiddusoahpahanvuogádat, de stelle iežat dihtorii Microsoft Teams -bargobeavdeheivehusa   
https://www.microsoft.com/fi-fi/microsoft-365/microsoft-teams/download-app  

Teams -gáidduslogaldallamiidda oassálastin šleađgapoastabovdehusa dahje kaleandara bokte

1. Lavtte headsetta usb-lavttain dihtorii 
2. Go oahpaheaddji lea sádden du šleađgapostii bovdehusa Teams-čoahkkimii, beasat oassálastit čoahkkimii deaddilemiin šleađgapoasttas dahje Outlook-kaleandaris gažaldagas lean dáhpáhusa bokte ”Searvva Microsoft Teams -čoahkkimii” -liŋkka.
3. Dán maŋŋá du neahttalohkkái bohtet golbma molssaeavttu. Vállje Raba Teams-heivehusa, jos leat stellen heivehusa iežat dihtorii.
4. Teams-čoahkkin rahpasa du bargobeavdeheivehussii. Muitte dárbbu mielde addit lobi geavahit mikrofovnna ja kámera, jos prográmma jearrá dan. 

Teamsii laktásan váttisvuođain sáhtát váldit oktavuođa ict-veahkkebálvalussii 

• šleađgapoasta ict-tuki@sogsakk.fi
• tel. 0295 333 555

Moodle-oahppanvuođu bokte dieđihit ja dikšut gulahallama oahppodiimmuid olggobealde. Moodles juhkkojuvvojit oahpahussii laktásan materiálat ja dohko vurkejuvvojit liŋkkat Adobe Connect -oahppodiimmuid báddemiidda.

Moodle-oahppanbirrasa sisačáliheapmi čujuhusas https://moodle.eoppimispalvelut.fi.

• Dovddaldaga Moodlei oaččot oahpuid álggus ICT-veahkkebálvalusas.
• Jos leat vajálduhttán iežat suollemassáni Moodlei sáhtát diŋgot ođđa suollemassáni čujuhusas https://moodle.eoppimispalvelut.fi/login/forgot_password.php.

Moodlei laktásan váttisvuođain sáhtát leat oktavuođas min ICT-veahkkebálvalussii ict-tuki@sogsakk.fi tel. 0295 333 555.

Sámegielaid boallobevddiid stellenrávvagiid gávnnat čujuhusas https://divvun.no/keyboards/desktopindex.html.