Raavâdviäsu- já piämmupalvâlemsyergi vuáđutođhos

Kokkâuápuin uáppeeh kevttih määlistmân ennuv aldakuávlu putes já ollâtääsi amnâsijd; poccuu, kyele, muorjijd já kuobbârijd. Uáppeeh láá meiddei jieijah aktiivlávt mield páihálij amnâsij skappuumist.

Vuáđu-uápui lasseen uáppeeh peesih hárjuttâllâđ tááiđuid ohtsâšpargoskipárij tiilámpargoin já škoovlâ juuhlijn já tábáhtuumijn.

Ovdânemmáhđulâšvuođah láá ennuv. Uáppeeh sáttih oppâđ Tave-Laapi pargosojij lasseen meid Ruotâst, Taažâst, Ruošâst já meiddei ubâ Suomâst. Raavâdviäsusuárgán škovliittum ulmuid láá ennuv pargomáhđulâšvuođah eromâšávt tave hooteel- já raavâdviäsusuorgij irâttâsâin.