Merkonom

Finnodâhtuálu vuáđutođhos

Lah-uv kiäsuttum vyebdiđ já palvâliđ äššigâsâid? Halijdiččih-uv leđe čeppi markkânistiđ? Lii-uv tust pargofeerim, mut ij tođhos? Kiäsut-uv oppâsopâmusškovlim? Jis västidih joo mottoom koččâmušân, te finnodâhtuálu vuáđutođhos sáttá leđe olmâ muulsâiähtu eidu tunjin. Puáđi luuhâđ merkonomin Säämi máttááttâskuávdážân.

Tuđhos nomâttâs

Merkonom

Älgiđ

Porgemáánust 2024

Vijđodâh

180 mč

Uuccâmäigi

Säämi máttááttâskuávdáá oovtmanolâš ucâmist puáhtá uuccâđ pirrâ ive. Koijâd älgimmáhđulâšvuođâin oppâtoimâttuvvâst.

Sajadâh

Aanaar

Máttááttâs häämi

Aldamáttááttâs

Maaŋgâpiälálâš oppâm

Finnodâhtuálu luuhâm lii maaŋgâpiälálâš já mulsâšuddâm. Uápuh sistuálih äššigâspalvâlem já markkânistem, ruttâtuálu, toimâttâhpalvâlusâid já tiätu- já viestâdemtekniik. Tutkosân kuleh aldamáttááttâs lasseen oppâm pargoelimist, káidusmáttááttâs já pargoelimân vuáđuduvvee projekteh.

Ohtâgâslâš máttááttâsvuávám

Äššigâspalvâlem čeppin merkonom máttá vyebdim já palvâlem lasseen porgâđ markkânistemviestâdem, máinum já tieđettem suorgijn. Uáppoid vuávájuvvojeh persovnliih, ohtâgâsliih uáppupálgáh, já jyehi uáppei ráhtoo tállân uápui aalgâst persovnlâš uápui ovdedemvuávám.