Davvisámegiela ságastallangursa
Oahpu viidodat lea 0,5 ov (10 + 10 diimmu).
Gursa lea dárkkuhuvvon daidda, geat hálidit hárjehahttit iežaset njálmmálaš sámegiela dáiddu. Gursa heive sihke vierisgielagiidda, geat hálidit hárjehallat sámegiela njálmmálaš dáidduid ja eatnigielagiidda, geat dárbbašit aktiveret passiivvalaš dehe vajálduvvan giellamáhtuset. Oassálastiin vuordit, ahte sii hálddašit vuođđodieđuid davvisámegielas (omd. lea čađahan davvisámegiela gaskadási gurssa dehe leat vástideaddji dieđut). Dasa lassin sávvat aktiivvalaš oassálastima ja movttegis miela oahppat neahttaoahppanbirrasis ovttas earáiguin!
Gursa sisttisdoallá 10 gáiddusoahppodiimmu ja 10 diimmu iehčanas barggu. Vuosttaš oahppodiimmuin oahpásnuvvat oahppanbirrasiidda ja hárjehallat daid geavaheami.
Opettaja: Ellen Pautamo