Sámi oahpahusguovddáža riikkaidgaskasaš doaimma ulbmilin lea seailluhit ja ovddidt sápmelaččaid ja eará davi álgoálbmogiid gielaid, kultuvrraid ja árbevirolaš ealáhusaid.
Riikkaidgaskasaš doaimma ulbmilguovlun lea olles árktalaš guovlu, masa gullet Davviriikkat, Ruošša, Kanáda ja USA (Aláska).
Boazu ja boazodoallu ealáhussan ovttastahttá davi álbmogiid. Jagis 2007 vuođđuduvvon BEBO-organisašuvnnas Sámi oahpahusguovddáš doaibmá njunuš lahttun. Ovttasbargat maiddái ee. giehtadujiid, turismma, media ja gielaid bokte.
Sámi oahpahusguovddáš lea Árktalaš universitehta lahttooahppolágádus. Lahttovuođa bokte studeanta- ja áššedovdilonohallama dáhpáhuvvá viidát árktalaš guovllus. Studeantalonohallamat leatge guovddáš oassi riikkaidgaskasaš doaimmas.
Sámi oahpahusguovddážis lea ovttasbargosoahpamuš University of Alaska Fairbanksiin. Min boazodoallooahpaheaddji lea jagis beali Aláskas UAF veahkkeprofessoran.