Sog oahpporávvemis ja sierraoahpahusas vástida Tea Niemelä, tel. 040 723 7201. Oahpporávvejeaddji rávve oahpuid plánemis ja válljemis ja joatkkastuderema molssaeavttuin ja ohcamis.

Ámmátlaš sierraoahpahus lea dárkkuhuvvon studeanttaide, geat dárbbašit erenoamáš oahppo- dahje studeantafuolahusbálvalusaid oahppanváttisvuođaid, buohccivuođa dahje eará siva dihte. Ulbmilin lea, ahte sierraoahpahusa bokte studeanta oažžu persovnnalaš oahpahusa, man bokte oahppan ja su iežas ovdáneapmi lihkostuvvet buoremusat.

Buot studeanttat ožžot dárbbu mielde doarjaga. Juohke ođđa studentii dahkko lohkan- ja matematihkkateasttat oahpuide álggedettiin. Erenoamáš doarjaga studentii čállojuvvo HOKSii sierraoahpahusa dárbu ja mo dat ollašuhtto. HOKS dahkko ovttasbarggus studeanttain ja su fuolaheddjiiguin (juos studeanta lea vuollái 18 j.), joavkojođiheddjiin, sierraoahpaheddjiin ja vejolaččat studeantafuolahusa áššeidovdiiguin ja eará áššedovdiiguin. Plána ulbmilin lea oktagaslaš doarjun oahppuin dárbbu mielde.

Skuvlakuráhtoriin studeanta sáhttá čielggadit studerenáiggi orruma ja ruhtageavaheami áššiid ja oažžut veahki eará eallindili nuppástusaide ja áššiide, mat deddet miela.

Luhtolaš ságastallamiid fáttát sáhttet leat omd. oahppanváttisvuođat, motivašuvdna, givssideapmi, bearašdilli, iešdovdu ja miellaláhki dahje gárrenávdasiid geavaheami ja eará sorjavašvuođat.

Skuvlakuráhtor lea Jaana Leskinen, tel. 040 672 077.

Oahppofuolahusjoavku pláne ja ovddida doaibmabijuid, mat ovddidit studeanttaid buresveadjima. Fuomášumi giddejit maiddái dorvvolaš ja guoibmái studerenbirrasa dahkamii ja ahte buohkain lea bargoráfi.

Oahppofuolahusjovkui gullet oahpporávvejeaddji, veahkkerektor, ásodatstivrejeaddji, dearvvašvuođadivššár, skuvlakuráhtor ja dárbbu mielde eará áššedovdit.

Juos dus leat dakkár hástalusat oahpuin dahje eallimis, maidda dárbbašat oktagaslaš veahki, de du studerema doarjjan čohkket áššedovdijoavkku juste du dárbbuide. 

Áššedovdin sáhttá nammaduvvot dušše dalle, juos don mieđát dasa. Áššedovdijoavkku lahttu ii oaččo geavahit dieđuid, maid oažžu joavkku lahttun, eará go oahppofuolahusa bargui.

Joavkkus gieđahallat du studerema ja eallindili áššiid ovttas ja smiehttat vugiid, mo du oahpuin ovdáneami, oahppama ja eallinhálddašeami sáhttá doarjut. Joavku sáhttá geavahit maiddái oahpahusguovddáža olggobeale doarjjahámiid.