Ámmátlaš vuođđoskuvlejumi ja eará ollesáigásaš skuvlejumi studeanttaide boradeamit skuvlabeaivvi áigge leat nuvttá. Vuoigatvuohta nuvttá borramuššii ii guoskka ámmátdutkosa ja spsesiálaámmátdutkosa studeanttaid.

Orrun skuvlla ásodagas lea studentii nuvttá. Ásodatsadji lea dárkkuhuvvon vuosttašsajis studeanttaide, geain lea guhkes mátki, geat studerejit ollesáigásaččat ja geaid oahput gáibidit jeavddalaš mieldeorruma oahpahusas.

Studeanta sáhttá ohcat oahppodoarjaga ÁEL:s, juos studeren lea ollesáigásaš ja bistá ovttotmáno unnimustá guokte mánotbaji. Maiddái ámmát- ja spesiálaámmátdutkosiid studeanttain lea vuoigatvuohta oahppodoarjagii, juos studeren lea ollesáigásaš iige studeanta leat oahpposoahpamušskuvlejumis dahje bargofápmoskuvlejumis.

 Loga lasi oahppodoarjagis

Studeanttat sáhttet ohcat maiddái skuvlamátkedoarjaga beaivválaš skuvlamátkkiide ÁEL:s. Ámmát- ja spesiálaámmátdutkosiid studeanttain ii leat vuoigatvuohta skuvlamátkedoarjagii.

Loga lasi skuvlemátkedoarjagis

Juos leat bargan unnimustá 8 jagi ja dálá bargoaddi bálvalusas dahje ollesáigásaš fitnodatdoallin unnimustá jagi, dus sáhttá leat vuoigatvuohta rávesolbmuidskuvlendoarjagii.

Loga lasi skuvlenruhtarájus

Studeantavuoládusa oažžu Matkahuolto studeantakoarttain dahje studeantasearvvi koarttain, mas lea Matkahuolto mearka. Matkahuolto studentakoartta oažžu Matkahuolto doaibmasajiin. Studeantakoartta várás dárbbašat ovtta pássagova ja Matkahuolto studeantaduođaštusa, man oaččot oahppodoaimmahagas. Studeantakortii galgá jahkásaččat oastit ođđa lohkanbadje- dahje lohkanjahkemearkka, mii máksá 10 euro.

Loga lasi MH studeantabileahtain ja studeantakoarttas

Togas bileahtadárkkisteami oktavuođas dárbbašat fámus leahkki VR dohkkehan studeantakoartta, Árbevirolaš koartta lassin sáhtát duođaštit vuoigatvuođa studeantavuoládussii dál maiddái digitála studeantakoarttain. Ovdal aitosaš koartta oažžuma sáhtát ávkkástallat gaskaboddosaš (fámus 3 mb) duođaštusa studeantavuoládusa oažžumii. Oaččot duođaštusa oahppodoaimmahagas.

VR gaskaboddosaš duođaštus (.pdf)