Artesána

Dáiddaindustriijasuorggi vuođđodutkkus

Sámi oahpahusguovddážis sáhttá studeret duoji máhttinsuorggi. Máhttinsuorggi linnjámolssaeavttut leat: 

  • Dipmaduojit 
  • Garraduojit 
  • Čikŋageađgi ja árvometálla (Skuvlejupmi ii álggahuvvo čakčat 2023.)

Duodjesuorggi sáhttá studeret juogo olles dutkosa veardde dahje dutkosa osiid mielde. Ovdamearkkat studeremis ja daid guhkkodagas: 

 

Vuođđodutkkus 180 máhttinčuoggá (mč) 

  • Vuođđoskuvlla maŋŋá, skuvlejupmi bistá sullii 3 jagi 
  • Logahaga dahje eará ámmátlaš skuvlejumi maŋŋá, skuvlejupmi bistá sullii 2-2,5 jagi 

Dutkosa osiid mielde   

  •  dutkosa osiid čađaheapmi persovnnalaš máhttima ovddidanplána (HOKS) vuođul

Ohcama áigodagat čakčat 2023 álgi skuvlejumiide

Dipmaduojit:

  • Oza maŋimuštá 8.6.2023 Ohcanskovvi
  • Mii sáddet dutnje sisabeassaniskosa, go leat sádden ohcamuša. Oza buriin áiggiin!
  • Doaimmat sisabeassaniskosa bargobihttát maŋimustá 12.6.2023 dmu 14 Sámi oahpahusguovddážii
  • Daid ohcciide, geat leat máhcahan sisabeassaniskosiid, ordnejuvvojit jearahallamat 13.6.2023

Garraduojit:

  • Ohcanáigi čakčat 2023 álgi skuvlejupmái lea nohkan.
  • Bistevaš ohcamis sáhtát ohcat čakčat 2024 álgi skuvlejupmái.

 

Jeara lasi skuvlejumiid birra: 

Dipmaduojit – Anniina Turunen anniina.turunen@sogsakk.fi 

Garraduojit – Jouni S. Laiti jouni.laiti@sogsakk.fi  

Čikŋageađgi ja árvometálla  – Pasi Jaakonaho pasi.jaakonaho@sogsakk.fi 

Almmolaččat studeremis ja sosiála ovdduid birra – opintotoimisto@sogsakk.fi

Dutkosa namahus

Artesána

Álgá

10.8.2023

Viidodat

180 mč

Ohcanáigi

Sámi oahpahusguovddáža bistevaš ohcamis sáhtá ohcat birra jagi. Ohcan borgemánus 2023 álgi dipmaduodjeskuvlejumis nohká 8.6.2023. 

Báiki

Anár

Oahpahusa hápmi

Lagasoahpahus. Studeanta persovnnalaš máhttima ovddidanplána (HOKS) vuođul oahpahus sáhttá vejolaččat leat maid eahkediid ja vahkuloahpaid áigge.

 

Dutkosa oppalaš viidodat lea 180 máhttinčuoggá. Dutkkus čoaggana ámmátlaš dutkosa osiin (145 mč) ja oktasaš dutkosa osiin (35 mč). 1.8.2023 rájes dutkkus čoaggana čuovvovaš dutkosa osiin:

 

Dutkosa bákkolaš ámmátlaš dutkosa oasit  55 mč 

  • Buvttan ráhkadeapmi ja máhttima gaskkusteapmi 10 mč
  • Duddjon, 45 mč

Válja dutkosa oasit  90 mč 

  • Studeantta persovnnalaš máhttima ovddidanplána mielde (suomagielat oanádus HOKS)  

Oktasaš dutkosa oasit 35 mč 

  • Gulahallan- ja vuorrováikkuhusmáhtu  
  • Matemáhtalaš - luonddudieđalaš máhttin 
  • Servodat- ja bargoeallin máhttin 

Lassidieđut dutkosa čoagganeamis ja dutkosa osiid birra gávnnat dáppe suomagillii: Taideteollisuusalan perustutkinto, ePerusteet

Ruoŧagillii fas dáppe: Grundexamen inom konstindustrin, eGrunder

Dipmadujiid bealde studeanta oahpásmuvvá iežas soga dahje guovllu duodjekultuvrii.

 

Oahpuid vuosttaš jagi “Duddjon, 45 mč” dutkosa oasis váldodeaddu lea ávdnasiidda ja vuođđoduddjonvugiide oahpásmuvvamis ja kultuvra- ja gielladiđolaš doaibmamis. 

  • Sisteduojit 
  • Guolgaduojit 
  • Njuovvan ja ávnnasdikšun 
  • Sistedikšun 
  • Láigeduojit 
  • Goarrun, bivttasteapmi 
  • Duddjonreaidduide ja mašiinnaid oahpásmuvvan 
  • Duddjonreaidduid fuolaheapmi 
  • Duodjesánit 

Juos studeanta čađaha beare dutkosa oasi dahje osiid, sáhttá “Duddjon, 45 mč” dutkosa oasi heivehallat studeantta dárbbuid ja vejolašvuođaid mielde. Studeanttas lea vejolašvuohta čiekŋut juogo siste- ja guolgaduodjái dahje bivttasteapmái ja láigedujiide.

  

Válja dutkosa osiin studeanta čiekŋuda dáidduid ja oahpásmuvvá ávdnasiidda, duddjonvugiide ja bargá áššehasa vuolggasajis. Studeanttas lea vejolašvuohta omd. čiekŋut iežas soga bivttasteapmái, čiekŋudit dáidduid siste- ja guolgadujiin, láigedujiin jna. dahje studeret fitnodatdoallama ja gávppálaš duddjoma. Studeanta sáhttá hahkat lassemáhttu juogo bargoeallima dahje iehčanas prošeavttaid bokte, omd. studeantta ruovttuguovllus.  

 

Dutkosa oassi “Buvttan ráhkadeapmi ja máhttima gaskkusteapmi 10 mč” čađahuvvo oahpuid loahpageahčen juogo 2. dahje 3. lohkanjagi áigge.

 

Sámegiela studeren 

  • Álgodási sámegiela  5-12 mč ollašuhttin oahpuid 1. ja 2. jagi válja dutkosa oassin 
  • Sámegiella eatnigiellan ollašuhttin lea oahpuid 2. jagi oktasaš dutkosa osiid oktavuođas 
  • Sámegiella nubbin giellan ollašuhttin lea oahpuid 2. jagi oktasaš dutkosa osiid oktavuođas.  
  • Duodjesuorggi bákkolaš dutkosa oasi “Duddjon” sisdoallá duodjesániid iežas gielladáiddu vuođul. Ollašuhttin lea vuosttas lohkanjagi áigge. 

 

Ohcaneavttut 

  • Duodjesuorggi dipmadujiid linnjás studeanta oahpásmuvvá iežas soga dahje guovllu duodjekultuvrii. 
  • Ohccis galgá leat vuođđoskuvla čađahuvvon.  
  • Ohcci galgá oassálastit oahppolágádusa lágidan sisabeassaniskosii ja jearahallamii. 

Garraduoji bealde váldoávdnasat leat bohccuid čoarvvit, sogiid báhkit ja eará muorraávdnasat ahte bargoreaidostállet. Skuvlejumi áigge mii čiekŋut earet eará mašiinnaid ja eará dárbbašlaš rusttegiid bargodorvvolaš geavaheapmái ja ja daid fuolaheapmái. Dan lassin mii oahppat fuolahit iežamet bargoburesveadjimis.

Duodjesuorggi bákkolaš dutkosa oasis “Duddjon 45 mč” váldodeaddu lea ávdnasiidda ja vuođđoduddjonvugiide oahpásmuvvamis ja kultuvra- ja gielladiđolaš doaibmamis.

“Duddjon , 45 mč” sisdoallu:

  • dorvvolaš bargovuogit bargosáles
  • bargoreaiddut ja mašiinnat
  • bohcco ja ealggačoarvvit ja báhkki ávnnasin
  • ávnnasteapmi
  • herven ja hervema bargoreaiddut
  • deriid dáhkun
  • gávtti čoarvečiŋat
  • duodjesánit
  • dokumenteren
  • vuosttasveahkki, bargodorvvolašvuohta ja dollabargu

Sámegiela studeren 

  • Álgodási sámegiela  5-12 mč ollašuhttin oahpuid 1. ja 2. jagi válja dutkosa oassin 
  • Sámegiella eatnigiellan ollašuhttin lea oahpuid 2. jagi oktasaš dutkosa osiid oktavuođas 
  • Sámegiella nubbin giellan ollašuhttin lea oahpuid 2. jagi oktasaš dutkosa osiid oktavuođas.  
  • Duodjesuorggi bákkolaš dutkosa oasi “Duddjon” sisdoallá duodjesániid iežas gielladáiddu vuođul. Ollašuhttin lea vuosttas lohkanjagi áigge. 

Ohcaneavttut 

  • Ohccis galgá leat vuođđoskuvla čađahuvvon 
  • Ohcci galgá oassálastit oahppolágádusa lágidan sisabeassaniskosii. 

Oahpuid vuosttas jagi  “Duddjon - 45 osp” dutkosa oasi oahpuid váldodeaddu lea árbevirolaš silbabargguin, čikŋageađgešliipemis ja eará sámečiŋain.   Dan lassin 1. lohkanjagi áigge juohkehaš studeantta studere muhtin dain sámegielain, mat hállojuvvojit Suoma bealde (nuortalaš-,  anáraš-, dahje  davvisámegiela) ja sámekultuvrra. 

“Duddjon 45 osp” -dutkosa oasi čađaheami maŋŋá iešguhtege studeanttas leat persovnnalaččat válljejuvvon dutkosa oasit oktiibuot 90 mč veardde. Dáiddaindustriijasuorggi dutkosa osiid viidodagat leat 15 dahje 45 mč. 

1. lohkanjagi konkrehtalaš bargguide gullet: 

  • Dorvvolaš doaibman bargobájiin 
  • Silbaduodji: guottáhat, suorpmas, suorpmas rieggáin, boalut, solju, šiella, herven 
  • Geađgeduodji: suorpmas geađggis, čeabetčikŋa geađggis, geđggiid jorbašliipen ja vitnjušliipen 
  • Sámegiela studeren

    • Álgodási sámegiela  5-12 mč ollašuhttin oahpuid 1. ja 2. jagi válja dutkosa oassin 
    • Sámegiella eatnigiellan ollašuhttin lea oahpuid 2. jagi oktasaš dutkosa osiid oktavuođas 
    • Sámegiella nubbin giellan ollašuhttin lea oahpuid 2. jagi oktasaš dutkosa osiid oktavuođas.  
    • Duodjesuorggi bákkolaš dutkosa oasi “Duddjon” sisdoallá duodjesániid iežas gielladáiddu vuođul. Ollašuhttin lea vuosttas lohkanjagi áigge. 

    Ohcaneavttut

    • Ohccis galgá leat vuođđoskuvla čađahuvvon 
    • Ohcci galgá oassálastit oahppolágádusa lágidan sisabeassaniskosii. 

    Skuvlejupmi ii álgge čakčat 2023.

Oza studeret

Rávvagat ohcamii
Lassedieđut
Tea Niemelä

Tea Niemelä

oahpporávvejeaddji, sierraoahpaheaddji 040 723 7201 tea.niemela@sogsakk.fi

Sámi oahpahusguovddáža oahppodoaimmahat

Sámi oahpahusguovddáža oahppodoaimmahat

040 707 3793 opintotoimisto@sogsakk.fi