Badjeolmmoš

Luondu- ja birassuorggi vuođđodutkkus

Juos leat bajásšaddan boazodoallobirrasis ja du geasuha máŋggasuorggát, molsašuddi olgobargu, boazosuorggi oahput leat juste du várás! Áddet, ahte bargu lea dávjá lossat ja dan ferte bargat juohke dálkkis. Ja nuppi dáfus maiddái dan, ahte oaččot bargat dan ovttas eará badjeolbmuiguin, doppe gos du ruohttasat leat. Ja álo duollet dállet báitá beaivvášge.

Studeanta galgá leat ulbmildiđolaš ja plánavuloš

Oahpuid čađahit meahcis, bargosajis ja skuvllas Doaivonjárggas. Oahpahus ja barggus oahppan ordnejuvvo nu, ahte studeanta oassálastá juohke oahppojagi jagiáiggi bargguide. Dan ordnen gáibida, ahte studeanta lea ulbmildiđolaš ja plánavuloš.

Ulbmilin lea, ahte boazolinjjá maŋŋá hálddašat boazodoalu árbevirolaš jagiáiggiide čadnon bargguid ja vuođđodáidduid moadde laktáseaddji ealáhusas. Don sáhtát joatkit máttuid ealáhusa iehčanas fitnodatdoallin.

Máŋggabealat studeren

Suorggis dárbbašuvvo máŋggalágan geavatlaš meahccebargandáidduid. Dárbbašuvvo diehtu luonddus, bargoneavvuin, materiálain, láhkaásaheames, lohpe-, ruhtadan- ja buhtadanvuogádagain. Daid lassin oahput sisttisdollet ee. eatnigiela ja matematihka.

Stuorra oassi oahpuin ollašuhtto bargosajiin, badjebearrašiin. Doarjjabáiki lea bearraša ruoktu ja bargu lea buot dat barggut, mat gullet bearraša boazodollui. Bálgosiid gaska, ja sistege, leat stuorra erohusat.

Dutkkusnamma

Badjeolmmoš

Àlgit

10.8.2023

Viidodat

180 mč

Ohcanáigi

21.2. – 21.3.2023

Bissovaš ohcanáigi

Jeara lasi oahppodoaimmahagas

Sajus

Gápmasa Doaivonjárggas