Luondu- ja birassuorggi vuođđodutkkus

Luondostivrejeaddji lea máŋgga suorggi čeahppi. Viiddes luonddu ja kultuvrra dovdamuš ja meahcis doaibmama dáiddut leat nana vuođđu luondustivrejeaddji ámmáhii. Dan lassin luondostivrejeaddji bargu lea vásttolaš áššehasbálvalanbargu, mas luondostivrejeaddji fállá áššehažžii vásáhusaid, maid vuođđun lea luondu. Luondostivrejeaddji juohká dieđu luonddus, luonddualbmonemiin ja báikkálaš kultuvrras.

Oahput leat geavatlaš oahput, mat sisttisdollet vuosttaš jagi vuođđodáidduid ja -dieđuid oahppama. Dát lea ee. meahccedáiddut, bargo- ja meahccevearjjut, luonddudovdamuša ja sámekultuvrra oahpahus. Nubbi jahki lea ng. bargoeallinjahki, goas ovddidit áššehasbálvalan- ja ofelašdáidduid sihke skuvllas lagasoahpahusas ja geavatlaš bargguin suorggi bargosajiin. Luondostivrejeaddjiskuvlejupmi addá buorre válmmašvuođa iešguđetlágan áššehasjoavkkuid stivremii earálágan luondoaktivitehtain. Min guovllus turisma stuorru jagis jahkái ja ámmátdáiddu háhkan stivrejeaddjiide ja ofelaččaide lea dárbu. Dan lassin bargovejolašvuođat máŋgga eará ámmáha, dego sosiála- ja dearvvašvuođasurggiid ja borramušsuorggi olis leat stuorrumin.

Dutkkusnamma

Luondostivrejeaddji

Àlgit

10.8.2023

Viidodat

180 mč

Ohcanáigi

21.2. – 21.3.2023

Bissovaš ohcanáigi

Jeara lasi oahppodoaimmahagas

Sajus

Gápmasa Doaivonjárggas