Sámeduojár

Duodjesuorggi ámmátdutkkus

Duodjesuorggi ámmátdutkkus heive dakkár olbmuide, geain leat juo vuođđodieđut ja -dáiddut duddjomis. Son máhttá ámmmátlaš bargovuogi ja háliida oahppat lasi dahje čiekŋudit iežas duodjemáhttima. Máhttima sáhttá háhkat lasi juogo lagašoahpahusa bokte Anáris, bargoeallima bokte dahje iehčanas prošeavtta bokte. Studentii rahkaduvvo persovnnalaš oahppama ovddideami plána (suomagielat oanádus HOKS).

Dutkkus čađahuvvo sámegillii. Juos ohccis ii leat doarvái gielladáidu, son berre vuos ohcalit sámegiela oahpuide dahje háhkat máhttima eará vugiin. Dutkkus addá álmmolaš joatkkastuderengelbbolašvuođa.

Jeara lasi skuvlejumiid birra:

Dipmaduojit – Anniina Turunen anniina.turunen@sogsakk.fi

Garraduojit – Jouni S. Laiti jouni.laiti@sogsakk.fi

Sámi oahpahusguovddážis Anáris lea vejolaš studeret juogo olles dutkosa dahje dutkosa osiid. Geahča lasi máhttinsurggiid, sisdoaluid ja ollasuhttimid birra:

Viidodat

150 mč

Bissovaš ohcanáigi

Jeara lasi oahppodoaimmahagas

Sajus

Persovnnalaš máhttima ovddidanplána vuođul

Dipmaduojit, bivttasteami máhttinsuorgi

Bivttasdeami máhttinsuorggi oahpuid čađahan studeanta máhttá válmmaštit gávttiid ja gárvvuid dahje náhkkelaččaid (siste- ja guolgadujiid). Son dovdá duoji árbevirrui gulli ávnnalaš kultuvrra ja hálddaša iežas suorgái laktašeaddji árbedieđu. Son diehtá duoji mearkkašumi kultuvrra oktavuođas. Son diehtá fidnodoaimma eavttuid ja máhttá áššehasbálvaleami. Son barggilda duoji hábmema-, válmmašteami-, rávven-, ja vuovdalanbargguin.

Dutkosa viidodat ja čoagganeapmi

Dutkosa viidodat lea oppalaččat 150 máhttinčuoggá (mč). Dutkkus čoaggana bákkolaš dutkosa oasis 30 mč ja guovtti válja dutkosa oasis, maid viidodagat leat 90 mč ja 30 mč.

1.1.2022 rájes dutkkus čoaggana čuovvovaš dutkosa osiin:

Bákkolaš dutkosa oassi 30 mč

Duodjára buohkaide oktasaš fidnomáhttin, 30 mč

Máhttinsuorggi 1. válja dutkosa oassi 90 mč

Gákti ja gárvvut , 90 mč
Náhkkelaččat (siste- ja guolgaduojit), 90 mč

Máhttinsuorggi 2. válja dutkosa oassi 30 mč

Sámebiktasa gárvvut, 30 mč
Váljanáhkkelaččat, 30 mč
Čuoldin- ja batninduojit, 30 mč
Earenoamášteknihkat, 30 mč
Tekstiiladuodji (gođđin), 30 mč

Dipmaduojit - ollašuhttin lohkanjagis 2022-2023

Lohkanjagis 2022-2023 lea vejolaš čađahit lagašoahpahusa ja proseavttaid bokte čuovvovaš dutkosa osiid:

Váljanáhkkelaččat, 30 mč
Čuoldin- ja batninduojit, 30 mč
Tekstiiladuodji (gođđin), 30 mč
Náhkkelaččat (siste- ja guolgaduojit) 90 mč muhtin osiin

Bargoeallima bokte dahje iehčanaš prošeaktan:

Duodjára buohkaide oktasaš fidnomáhttin, 30 mč
Gákti ja gárvvut, 90 mč
Náhkkelaččat, 90 mč
Sámebiktasa gárvvut, 30 mč
Earenoamášteknihkat, 30 mč

Garraduojit, gálvoduddjoma máhttinsuorgi

Gálvoduddjoma máhttinsuorggi oahpuid čađahan studeanta máhttá válmmaštit árvometálladujiid, báhkkedujiid, muorradujiid, dákte- ja čoarvedujiid, veaddedujiid ja bargo- dahje fievrridanneavvuid. Son dovdá duoji, árbevirrui gulli ávnnalaš kultuvrra ja hálddaša iežas suorgái laktašeaddji árbedieđu. Son dovdá duoji árbevirrui gulli ávnnalaš kultuvrra ja hálddaša iežas suorgái laktašeaddji árbedieđu. Son barggilda duoji hábmema-, válmmašteami-, rávven-, ja vuovdalanbargguin.

Dutkosa viidodat ja čoagganeapmi

Dutkosa olles viidodat lea 150 máhttinčuoggá. Dutkkus čoaggana bákkolaš dutkosa oasis 30 mč ja guovtti válja dutkosa oasis , maid viidodagat leat 60 mč ja 60 mč.

1.1.2022 rájes dutkkus čoaggana čuovvovaš dutkosa osiin:

Bákkolaš dutkosa oassi 30 mč