Astoáigge doaimmat
Mielamiel astoáiggedoaimmat dorjot oahppama. Lihkadeapmi ja kulturáiggeájit fállet somás vuostedeattu oahppamii.
Searvvadettiin Sámi oahpahusguovddáža studeanttaidsearvái (SMÁK ry) studeanta oažžu dihto ovdduid (ee. Siidda jahkekoartta, eamiálbmogiid musihkkafestivála Ijahis Ija bileahta ja Filbmari- ealligovvasearvvi jahkekoartta) ja seammás beassá váikkuhit oahppolágádusa ja studeantasearvvi doaibmamii. Searvan lea nuvttá. Searvat sáhttá go deavdá oahpuid álgima oktavuođas skovi, mas jerrojit studeantta duogášdieđut, dahje sierra skovii maŋŋeleappos. Skovi oažžu čujuhusas opintotoimisto@sogsakk.fi.
Sámi oahpahusguovddáža ásodagas lea álšasále. Ásodat Jeera álšasálii beassá váldouvssa bokte. Ásodagas lea maid pingisbeavdi ja darts-távval. Jeera kealláris lea maiddái musihkkalatnja, gos gávdnojit iešgđetlágan čuojanasat ja vejolašvuohta čuojahit ovttas.
Studeanttas lea vejolašvuohta geavahit maid Avvila vuojadanhálla, Avvila skuvlaguovddáš Kaarre álšasále, Avvila valáštallandálu dolgespábbagietti ja Anára skuvlaguovddáš Šielâ álšasále. Dáid son sáhttá geavahit go oastá persovnnalaš lihkadanpássa (stuđeantahaddi 7€/mb) gielddadálu/suohkanviesu rávvenbáikkis dahje girjerájuin. Lihkadanpássas sáhttá sáddet rehkega oahppolágádussii kuitte vuostá.
Astoáiggedoaimmaid lágidit maiddái ee. Anára gielda, rávesolbmuidskuvla ja searvegoddi.
