Oahppososiála ovddut

Studeantii, guhte studere ámmátlaš vuođđodutkkusskuvlejumis ja eará skuvlejumiin ollesáigásaččat, boradeapmi skuvlabeivviin lea nuvttá. Vuoigatvuohta nuvttá borramuššii ii guoskka bargofápmostudeanttaid, oahppasoahpamušstudeanttaid iige ámmátdutkkus- dahje erenomášámmátdutkkusstudeanttaid.

Ásodatbáikkit leat oaivvilduvvon ovdasajis daidda, gean lea guhkes skuvlamátki ja geat gullet oahppogeatnegasvuođalága birii. Ásodatbáikki sáhttá oažžut maiddái earet eará sosiála sivaid dihtii. Friija ásodatbáikkiid sáhttet oažžut maiddái dievasahkásaš studeanttat. Ásodatbáikki oažžu eanemustá ovtta lohkanjahkái hávil ja mearrádusat ássanáiggi guhkkodagas ja vuođustusain gávdnojit mearrádusas. Ásodat ii leat studeantta fásta ássanviessu, nuba luopmoáiggiin ássan/orrun máksá ja dasa oažžu lobi dušše ákkastallojuvvon sivaid vuođul.

Juos studeanttas leat guhkit gáiddusoahppanáigodagat dahje bargobargohárjehallamat, sus ii vealttekeahttá leat dalle vuoigatvuohta ássat/orrut ásodagas. Dalle latnja- ja sadjevástideaddji čielggada ovttas studeanttain ássan-/orrundárbbu.

Vuoigatvuohta nuvttá ásodatbáikái ii guoskka bargofápmostudeanttaid, oahppasoahpamušstudeanttaid iige ámmátdutkkus- dahje erenomašámmátdutkkusstudeanttaid.

Studeanta sáhttá ohcat oahppodoarjaga ÁELas (KELAs,) juos stuđeren lea ollesáigásaš ja bistá boatkanmeahttumit unnimustá guokte mánotbaji. Maiddái ámmát- ja erenomášámmátdutkosiid studeanttain lea vuoigatvuohta oažžut oahppodoarjaga, juos stuđeren lea ollesáigásaš, iige studeanta leat oahppasoahpamušskuvlejumis dahje bargofápmoskuvlejumis. 

Studeanttat sáhttet ohcat skuvlamátkedoarjaga beaivválaš skuvlamátkkiide KELAs. Lohkanbadjestudeanttain (sámegielat, media), bargofápmostudeanttain, oahppasoahpamušstudeanttain sihke ámmát- ja spesiálaámmátdutkosiid studeanttain ii leat vuoigatvuohta oažžut skuvlamátkedoarjaga.

Oahppogeatnegas sáhttá oažžut mátkebuhtadusa, jos sus lea mátki lagamus logahahkii dahje máŋggasuorggi ámmátlaš oahppolágádussii badjel 100 kilomehtera, ja jos son ássá/orru nuvttá ásodagas iige sus leat vuoigatvuohta ássat/orrut ásodagas vahkuloahpaid ja luomuid áigge. Skuvlejumi lágideaddji mearrida mátkebuhtadusa mieđiheamis ohcamuša vuođul.

Studeantavuoládusa sáhttá oažžut ovdamearkan linjabiilla- ja togabileahtain, go studeanttas lea stuđeantakoarta.

Stuđeantakoarttaid oažžustuđeantaservviin. Sudeanttat ožžot juogo fysalaš stuđeantakoartta dahje stuđeantakoartta, man sáhttá geavahit applikašuvnna bokte. Ámmátlaš skuvlejumi stuđeantasearvvit leat ee. SAKKI ry ja OSKU ry.

Stuđeantakortii dárbbašat oahppoduođaštusa. Sáhtát bivdit dan čujuhusas oahppodoaimmahat@sogsakk.fi. Duođaštusa oažžu easkka go oahput leat álgán.