Astoáigge doaimmat
Vuogálaš astoáigge áiggeájit dorjot oahppama. Lihkadeapmi ja kulturáiggeájit fállet somás vuostedeattu oahppamii.
Searvvadettiin Sámi oahpahusguovddáža oahppolihttui (SMÁK ry) studeanta oažžu dihto ovdduid (ee. Siidda jahkekoartta, eamiálbmogiid musihkkafestivála Ijahis Ija bileahta ja Filbmari ealligovvasearvvi jahkekoartta) ja seammás beassá váikkuhit oahppolágádusa ja oahppolihtu doaibmamii. Searvan lea nuvttá. Searvat sáhttá duogášdiehtoskovi deavdima oktavuođas dahje maŋŋeleappos skoviin. Skovi oaččut opintotoimisto@sogsakk.fi.
Sámi oahpahusguovddáža ásodagas lea álšasále. Ásodat Jeera álšasálii beassá váldouvssa bokte. áiggeádjesajis lea pingisbeavdi ja darts-távval. Jeera kealláris lea maiddái musihkkalatnja, gos gávdnojit earálágan čuojanasat ja vejolašvuohta čuojahit ovttas.
Studeanttas lea vejolašvuohta geavahit su lonistan persovnnalaš lihkadanpássain Avvila vuojadanhálla, Avvila skuvlaguovddáš Kaarre álšasále, Avvila valáštallandálu dolgespábbagietti ja Anára skuvlaguovddáš Šielâ álšasále. Pássa (stuđeantahaddi 7€/mb) studeanta oastá ieš gielddadálu rávvenčuoggás dahje girjerájuin. Lihkadanpássas sáhttá sáddet rehkega oahppolágádussii kuitte vuostá.
Astoáiggedoaimmaid lágidit maiddái ee. Anára gielda, rávesolbmuidskuvla ja searvegoddi.
