Gárváneapmi

Go oahput leat nohkagoahtimin, ofelaš-bagadalli muittuha studeanttaid gárváneami áigetávvalis ja earáin geavatlaš áššiin. Olles dutkosa čađaheamis studeanta oažžu dutkkusduođaštusa. Dutkosa osiid čađaheamis studeanta oažžu duođaštusa čađahuvvon dutkosa osiin. Lohkanjahkeskuvlejumiid studeanta oažžu duođaštusa oahpuin maid lea čađahan. Sáhttá leat, ahte gárváneaddji studeanttaid namat almmustahttojuvvojit neahttasiidduin ja báikkálaš aviissain. Studeantta galgá almmuhit oahppodoaimmahahkii, juos son ii háliit, ahte su namma almmustahttojuvvo.

Gárvánan studeantta SOG geavaheaddjidovddaldat nohká doaibmamis. Studeantta galgá vurket dárbbašahtti fiillaid ovdal gárváneami.

Unnimustá ovtta dutkosa oasi čađahan studentii sáddejuvvo oahpuid nohkanmuttus Oahpahushálddahusa ámmátlaš skuvlejumi oahppomáhcahatjearahallan. Vástidanáigi lea 30 jándora. Jearahallamat bohtet čujuhusas noreply@opintopolku.fi.  Jearahallamii sáhttá vástidit suomagillii, ruoŧagillii dahje eaŋgalasgillii. Jos jearahallamii ii vástit dalánaga, sádde OPH muittuhusa jearahallamis vuos viđa jándora ja nuppi háve logi jándora geažes das go jearahallan vuosttamuš háve sáddejuvvui. Jearahallamiin boahtán máhcahaga vehkiin sáhttit čuovvut ja gárgehit sihke našuvnnalaš ja skuvlejumi lágideaddji siskkáldas kvalitehta. Čuovvut SOG:s vástádusmeari ja gieđahallat boahtán máhcahagaid. Juohkehaš máhcahat mearkkaša!

Gárváneaddji studeantta muitinlistu:

• Almmut Oahppodoaimmahahkii ođđa čujuhusa, juos duođaštus sáddejuvvo poastta bokte.
• Muitte máhcahit čoavdagiid: čoavdagat ráhkadusaide, biillabáikki čoavdda, ásodaga čoavdda. 
• Máhcat dihtora, láddenrusttega ja eará dávviriid maid luoikkahit oahppolágádusas.
• Gurre iežat bivttasskáhpe.
• Mávsse materiálamávssuid ja eará vejolaš mávssuid.