Studeanttaid dáhkádusat

SOG lea stáhta oahppolágádus ja danin mis eai leat dáhkádusat, muhto vahágis, mii dáhpáhuvvá geavatlaš oahpahusas ja man sáhttá buohtastahttit bargui, sáhttá ohcat buhtadusa Stáhtakantuvrras. Gáibádussan lea, ahte lea čuvvon bargodorvvolašvuođarávvagiid ja -mearrádusaid. Buhtadusa sáhttá oažžut dušše vahágiidda, mat leat dáhpáhuvvan olbmuide. Oahppodoaimmahat veahkeha dahkat ja deavdit vahátalmmuhusa Stáhtakantuvrii. Stáhtakantuvrra buhtadusat eai buhtte skuvlamátkkis, oahppomátkkis, teoriijadiimmuin, oahpposoahpamušskuvlejumis dahje bottuin dáhpáhuvvan vahágiid. Jos vahát dáhpáhuvvá, de váldde oktavuođa nu jođánit go vejolaš iežat Ofelaš-bagadallái ja oahppodoaimmahahkii. Maiddái dáhpáhusain, main lea measta dáhpáhuvvan vahát, galgá almmuhit Ofelaš-bagadallái. Eahketbargguid várás juohkehaš háhka ja ordne alccesis friijaáiggi dáhkádusa. Ofelaš-bagadalli muitala studentii njuolggadusaid, mat guskes jos bargá oahppolágádusas eahkes.