Ásodat

Oahppolágádusa ásodat lea Anáris. Ásodatbáikkit leat oaivvilduvvon ovdasajis guhkesmátkkálaččaide, geat gullet oahppogeatnegasvuođalága vuollái. Ásodatbáikki sáhttá oažžut maiddái sosiála sivaid dihtii. Friija ásodatbáikkiid sáhttet oažžut maiddái dievasahkásaš studeanttat. Ásodatbáikki oažžu eanemustá ovtta lohkanjahkái hávil ja mearrádusat ássanáiggi guhkkodagas ja vuođustusain gávdnojit mearrádusas. Ásodat ii leat studeantta fásta ássan-/orrunviessu, nuba luopmoáiggiin ássan/orrun máksá ja dasa oažžu lobi dušše ákkastallojuvvon sivaid vuođul. Ásodagas galgá čuovvut ásodaga ortnetnjuolggadusaid.

Juos studeanttas leat guhkit gáiddusoahppanáigodagat dahje bargobargohárjehallamat, de sus ii vealttekeahttá leat vuoigatvuohta ja lohpi orrut ásodagas daid botta. Jos ná lea, de bargi, guhte vástida oahppolágadusa lanjain ja sajiin, čielggada ássandárbbu ovttas studeanttain.

Anára ásodagas lea oahppolágádussii sullii golbma kilomehtera. Ásodat lea Anárjárgáttis čujuhusas Sarviniementie 180. Ásodagas leat ovtta ja guovtti olbmo lanjat ja measta buot lanjain lea iežas hivsset/riššu. Gievkkanat ja beaivelanjat leat oktasaččat. Gievkkanis leat gievkkanuvdna, mikro ja jiekŋaskáhpe ja galmmihanskáhppe. Ásodagas lea áibmofierbmeneahttaoktavuohta. Ođđaseamos ásodatvisti šattai gárvvisin jagi 2025 álggus.