Ásodaga ortnetnjuolggadusat

Ortnetnjuolggadusaid ulbmilin lea dorvvastit buohkaide ásodagas ássiide dorvvolaš ja vuogas ássanbirrasa ja addit maid studerenráfi. Ásodagas ássi deavdá ja vuolláičállá ásodahkii boađedettiinis lanjaluobahanduođaštusa ja ná vuolláičáledettiin dohkkeha ja miehtá čuovvut ásodaga ortnetnjuolggadusaid.

1. Ortnetnjuolggadusat gusket daid olbmuid, geat orrot/ásset ásodagas, ja maid daid, geat gallestallet ásodaga. Ásodagas ássi vástun lea, ahte su guossit čuvvot ásodaga ortnetnjuolggadusaid. Ortnetnjuolggadusat gustojit maid dalle go oahppolágádus ordne ássama/orruma man nu eará orrunsajis.
   
   
2. Ásodagas ožžot ássat/orrut dušše dat olbmot, geaidda addo vuoigatvuohta doppe ássat/orrut. Vuolleahkásaččaide addo ássanvuoigatvuohta fuolaheaddji čálalaš lobiin. Fuolaheaddji vuolláičállá ásodatohcamuša ovttas vuolleahkásaš studeanttain ja čállá ohcamuššii maid oktavuođadieđuid. Ássanvuoigatvuohta sáhttá addot eanemustá ovtta lohkanjahkái ain hávil. Vuoigatvuohta ássat/orrut ásodagas nohká go oahput nohket, go oahput gaskkalduvvet dahje jos studeanta cealká iežas eret oahppolágádusas. Ásodat ii sáhte leat studeantta fásta orrunsadji/visti.
   
   
3. Ásodatássái addo ássanvuoigatvuođa boddii čoavdda, man ii leat lohpi kopieret dahje addit eará olbmui. Jos ássi láhppá čoavdaga, de son váldá das ieš vástu. Ássi gártá ieš máksit daid goluid, mat bohtet das, jos ásodagas gártet rievdadit lohkaid mekanismmaid nu, ahte dat rahpasit ođđa čoavdagiiguin, ja maid dalle jos ásodagas gártet ráhkadahttit ođđa čoavdagiid.  
   
   
4. Ásodagas sáhttá orrut/ássat luomuid ja vahkkoloahpaid áigge muhto dasa dárbbaša sierralobi. Ásodatbargi addá lobiid ohcamušaid vuođul. Juos ohcci ii leat duđavaš addon mearrádussii, de son sáhttá bivdit rektora rievdadit mearrádusa. Juos ásodagas orru/ássá luomuide áigge, de das galgá máksit. 
   
   Ássanvuoigatvuođa eaktun lea, ahte studeanta oassálastá jeavddalaččat oahppolágádusa ordnen oahpahussii. Juos studeanta lea buohcci, de ávžžuhat mannat ruoktot. Jos buohccivuođaluopmu bistá badjel guokte vahkku, de studeantta vuoigatvuohta ássat/orrut ásodagas gaskkalduvvá buohccivuođaluomu boddii, jos rektor ii mearrit áššis nuppi láhkai. 
   
   
5. Gussiin lea lohpi leat ásodaga lanjain ja sajiin dmu 22.00 rádjái. Guossit eai oaččo muosehuhttit eará ássiid. Vai ásodaga ássit bastet vuoiŋŋastit ja studeret, de ásodaga ng. jaskesáigi álgá dmu 23.00.
   
   
6. Ásodatbargiin lea vuoigatvuohta mannat lanjaide almmolaš čoavdagiin, jos dilli dan gáibida. Latnjii sáhttá leat dárbu mannat ovdamearkka dihte ovdal luomuid, go buot lanjat dárkkistuvvojit, dahje dalle, jos eahpiduvvo, ahte ássi lea buohccán. Juos ásodagas lea dárbu divodit maid nu, de dalle sáhttá leat dárbu finadit maid lanjain, ja dáid birra geahččaluvvo almmuhit áiggil. Lanja ássis geahččaluvvo oažžut lohpi dárkkistit lanja. Ássi persovnnalaš skáhpiid, skuffaid ja dávviriid ja gálvvuid ii leat lohpi dárkkistit. Juos daid lea dárbu dárkkistit, de dan dahká virgeoapmahaš, geas lea viessodutkanlohpi. Viessodutkamis sáhttet leat mielde maid oahppolágádusa bargit. 
   
   
7. Juohke ássi fuolaha das, ahte su iežas latnja ja oktasaš sajit ja lanjat leat čorgadat. Ásodaga opmodagas galgá atnit fuola. Juos ásodaga opmodat billašuvvá/vaháguvvá/skáđđašuvvá dahje jávká, de das galgá almmuhit dalán ásodatbargiide dahje eará bargiide. Juo ássi dáhttul bilida ásodaga opmodaga, de son gártá máksit daid maid lea bilidan.
   
   
8. Ásodagas lea gildojuvvon doallat hálddus ja geavahit gárrenávdnasiid ja leat juhkanvuođas/gárremiin. Iešguđetlágan hájaid, mat dagahit allergiijaid, ee. hádjagintalat, oljjut jna. geavaheapmi lea gildojuvvon. Ásodagas ja ásodatguovllus lea borgguheapmi gildojuvvon. Ruovttuelliid ii leat lohpi doallat ásodagas.
   
   
9. Almmolaš dorvvolašvuođa dihte ásodahkii ii lohpi buktit dollarusoniid ja bávkkanasaid, iige bissuid, niibbiid/buvkkuid ja eará vearjjuid.  
   
   
10. Uvssaid rahpamis virgeáiggi olggobealde berro máksu dan mielde mii mávssuid dalle lea fámus. 
    
    
11. Dát njuolggadusat lea čállon ámmátlaš skuvlejumis addon lága 531/2017 ja láhkaásahusa 673/2017 ja duhpátlága 698/2010 vuođul. Ásodatnjuolggadusaid lassin ásodagas ássi studeanta ferte čuovvut oahppolágádusa almmolaš ortnetnjuolggadusaid ja daid vuođul addon dárkilut rávvagiid. Ásodatnjuolggadusaid rihkkumis mii čuovvut disipliidnavugiid ja -meannudeami, mat vuođđuduvvet ámmátlaš skuvlejumis addon láhkii 531/2017 ja láhkaásahussii 673/2017.