Johtin
Sámi oahpahusguovddáš ordne skuvlabeivviin skuvlasáhtu linjabiillain, mas leat 16 báikki gaskii Avvil-Anár-Avvil. Sáhtu vuolgin- ja máhccančujuhus Petsamontie 5 parkerensadji Avvilis. Linjabiilasáhtu vuolgá Avvilis vu-be diibmu 8 ja sáhtu ruovttoluotta Anáris vuolgá vu-du diibmu 15.30 ja bearjadagaid diibmu 13.40.
Skuvlasáhtu ordnejuvvo ohcamušaid vuođul vuosttamužžan oahppogeatnegas studeanttaide. Nubbesadjásaččat skuvlasáhtu sáhttet ohcat maiddái earát studeanttat, geain lea vuoigatvuohta oažžut skuvlamátkedoarjaga. Studeanta ohcá KELAs skuvlamátkedoarjaga ja go son oažžu miehtemielalaš mearrádusa, sáhtu lea sutnje nuvttá. Doarjja máksojuvvo skuvlasáhtu ordnejeaddji oahppolágádussii. Skuvlamátkedoarjjaohcamuša sáhttá deavdit jo ovdal skuvlla álgima ja ohcamuššii galgá merket johtinvuohkin skuvlasáhtu.
Lohkanjahkeskuvlejumiid studeanttain ii leat vuoigatvuohta oažžut skuvlamátkedoarjaga, baicce dain geat leat oahppogeatnegasat. Lohkanjahkeskuvlejumiid studeanttat sáhttet ohcat mávssu vuollásaš báikki sáhtus skuvlasáhttoohcamušain, juos linjabiillas lea sadji. Juos sáhtu fárrui čáhká, sáhttit sáhtu mieđihit studentii maiddái sosiála ákkaid vuođul. Sáhtu haddi lea 6,80 €/guvlui.
Lassedieđut kuljetus@sogsakk.fi.
Skuvlasáhttoohcamuššii beassá vulobeale liŋkkas.
Skuvlamátkedoarjaga sáhttet 1.8.2025 rájes oažžut dušše nuvttá skuvlejupmái vuoigadahtton studeanttat
Riikkabeaivvit lea mearridan ráddjet skuvlamátkedoarjaga guoskkahit dušše beare nuvttá skuvlejupmái vuoigadahtton studeanttaid. Dát oaivvilda, ahte dat studeanttatoahppit, geat eai leat vuoigadahtton nuvttá skuvlejupmái, eai sáhte oažžut skuvlamátkedoarjaga šat 1.8.2025 rájes.
Lassedieđut https://www.kela.fi/web/davvisamegillii/skuvlamatkedoarjja-ja-boradandoarjja ja https://www.kela.fi/koulumatkatuki (suomagillii).