Máhcahat ja kvalitehta buorideapmi
Studentii

Máhcahat ja kvalitehta buorideapmi

Studeanttain čoggojuvvo máhcahat máŋggaid sierra vugiiguin lohkanjagi áigge. Mii aktiveret ja movttiidahttit studeanttaid addit máhcahaga ja dáinna lágiin oassálastit oahpahusdoaimma gárgeheapmái ja skuvlejumi kvalitehta buorideapmái.

Studeanta sáhttá addit máhcahaga ja gárgehanideaid ovdamearkka dihtii oahpahusas, bagadallamis, bargosajis lágiduvvon skuvlejumis, árvvoštallamis dahje oahppolágádusa eará doaimmain.

Máhcahagat mat bohtet jeavddalaččat:  

  • áigodat- dahje periodamáhcahat juohke áigodaga/perioda loahpas
  • lohkanjahkemáhcahat giđđalohkanbajis 
  • dásseárvo- ja ovttaveardásašvuođajearahallan, mii lea juohke nuppi jagi giđđalohkanbajis
  • OPH ámmátlaš skuvlejumi studeantamáhcahaga álggahan- ja loahpahanjearahallan

Lassin studeanta sáhttá addit olles áigge máhcahaga elektrovnnalaš skoviin. Máhcahat manná veahkkerektorii. Rávvagat ja liŋka ollesáigásaš máhcahaga addimii leat oahppolágádusa almmuhantávvalis. Studeantamáhcahagat leat oassi SOG kvalitehtahálddašanvuogádagas, ja máhcahagain mii sihkkarastit ja gárgehit skuvlejumi kvalitehta ollesáigásaš buorideami vuođđojurdagiid mielde.