Turisma

Turisma

Turismasuorggi skuvlejupmái sáhttet ohcat sihke oahppogeatnegas ja ráves ohccit. Mii fállat lagašoahpahussan skuvlejumi man mihttomearrin lea árktalaš luondduturismačehppodat, mas dehálaš oassin leat earet eará oahpistan- ja vánddardandáiddut. Rávesolbmuide vuogas skuvlejumit sáhttet leat dat dutkosa oasit, mat vuođđuduvvet bargoeallimii. Ohcci sáhttá válljet iežas beroštumi mielde ovdamearkka dihtii idjadan-, biebmo- dahje turismma vuovdinbálvalusaid. Oahpásmuva e-vuođuštusain lasi turismasuorggi vuođđodutkosa máŋggabealat vejolašvuođaide!

  • Turismasuorggi vuođđodutkkus, turismma áššehasbálvaleaddji

    Skuvlejupmi álgá lagašoahpahussan ja vuodju árkatalaš luondduturismii. Skuvlejupmi addá studeanttaide valmmásvuođaid máŋggabealat turismasuorggi bargguide Sámis ja Lappi guovllus ja earenoamážit ldoaibmat uonddudiliin. Lagašoahpahusa deaddu lea luondduturismmas, muhto stuđeanta sáhttá ieš válljet viiddis fálaldagas daid osiid, maid čađaha ieš bargoeallimis. Dát skuvlejupmi addá gearggusvuođa doaibmat luondduturismabálvalusain, ja studeanttat iežas válljema mielde maid omd. idjadan-, restoráŋŋa-, vuovdin- dahje turismaguovddášbálvalusain.