Doarjja oahpuide
Veahkkebádji fállá doarjaga studeanttaide, geain leat báhcán bargobihttát barggakeahttá dahje geat gáibidit bargobihtáid bargamii veahki. Veahkkebádji čoahkkana vuossáriđidiid dmu 9–11. Persovnnalaš áiggiid Veahkkebádjái sáhtát soahpat Veahkkebáji bagadalliiguin.
Veahkkebáji oahpaheaddjit
PMGP/HOKS dahkama várás buohkain studeanttain lea vejolašvuohta oassálastit ločákártemii. Ločákárten doallá sierraoahpaheaddji oahpuid álggus. Matematihkateasta doallá matematihka oahpaheaddji dahje sierraoahpaheaddji.
Ámmátlaš sierraoahpahus lea oaivvilduvvon studeanttaide, geat dárbbašit spesiála oahpahan- dahje oahppifuolahusbálvalusaid oahppanváttisvuođaid, buohcuvuođa dahje eará siva dihtii. Mihttomearrin lea, ahte sierraoahpahusa vehkiin studeanta oažžu oahpahusa, mii vuođđuduvvá su persovnnalaš eavttuide ja man vehkiin oahppan ja iežas ovddideapmi lihkostuvvet buoremusat.
Buot studeanttat ožžot dárbbu mielde doarjaga oahpuideaset. Studeanttaide lágiduvvojit lohkan- ja matematihkateasttat oahpuid álggus. Studentii gii dárbbaša spesiála doarjaga registrerejuvvo PMGP/HOKSii sierraoahpahusa dárbu ja dan ollašuhttinvuogit. PMGP/HOKS gárvvistuvvo ovttas studeanttain ja su fuolaheaddjiiguin (jos studeanta lea vuollel 18 j.), ofelaš-bagadalliin, sierraoahpaheaddjiin ja vejolaččat oahppifuolahusa áššedovdiiguin ja earáiguin áššedovdiiguin. Plána mihttomearrin lea persovnnalaš doarjja oahpuiguin dárbbu mielde.