Eretorrumat
Studeanttas lea alcces ovddasvástádus oahpuid ovdáneamis ja máhtu skáhppomis. Studeantta oahpahussii oassálastimis lea mearriduvvon ámmátlaš skuvlejumi lága sajis 94 § (suomagillii).
Oahppolágádusa ortnetnjuolggadusaid mielde studeanta oassálastá oahpahussii jeavddalaččat. Studeantta galgá stuđeret váldonjuolggaduslaččat dahje unnimustá 45 mč dahje 45 oč lohkanjagis, vai studeanttas seailu oahppovuoigatvuohta ja oahppososiála ovddut. Vuolggasadjin lea, ahte stuđeren lea studeantta bargu, eaige maŋŋoneamit dahje earát eretorrumat leat.
Studeanta almmuha buohccámis dan oahpaheaddjái, gean oahpahusas gártá leat eret. Almmuhit sáhttá riŋgemin dahje teakstadieđuin. Oahpaheaddji merke eretorrumiid Wilmai. Ofelaš-bagadalli čuovvu studeantta eretorrumiid Wilmas.
1 - 3 beaivvi eretorrun
- Jos studeanta lea dievas agis, almmuha son eretorrumis oahpaheaddjái. Vuolleahkásaš studeantta fuolaheaddji almmuha studeantta eretorrumis oahpaheaddjái.
badjel 3 beaivvi eretorrun
- Jos studeanta lea dievas agis, almmuha son eretorrumis oahpaheaddjái. Vuolleahkásaš studeantta fuolaheaddji almmuha studeantta eretorrumis oahpaheaddjái.
- Studeantta galgá čájehit dearvvašvuođafuolahusa duođaštusa buohcanluomus iežas ofelaš-bagadallái dalánaga eretorruma maŋŋá.
Studeanta sáhttá earenoamáš siva dihtii ohcat lobi eretorrumii ovddalgihtii. Studeanta čielggada oahpaheaddjis oahpuid ovdáneami. Studeanttas lea alddis ovddasvástádus oahpuid ovdáneamis ja máhtu skáhppomis eretorruma áigge.
Ná ozat lobi eretorrumii:
-
Ovttaskas diimmut -> soahpat oahpaheaddjiin/oahpaheaddjiiguin ovddalgihtii
-
1-5 beaivvi eretorrun -> ohcat čálalaš skoviin áššáiosolaš oahpaheaddjiin ja ofelaš-bagadallis
Vuolggasajis lohpi ii mieđihuvvo ovdamearkka dihtii luopmomátkkiide, lusta-, kultur- dahje valáštallandáhpáhusaide oassálastimii, biillaskuvlla vuodjinoahpahussii ja teoriijadiimmuide oassálastimii dahje bargovuoruide.
Ovtta beaivvi lobihis eretorruma maŋŋá ofelaš-bagadalli lea oktavuođas studentii ja vuolleahkásaš studeantta fuolaheaddjái čálalaččat dahje riŋgemin. Jos eretorrun joatkašuvvá, ja go studeanta boahtá skuvlii de ofelaš-bagadalli sagastallá ovttas studeanttain ja dáhpáhusa mielde soahpat joatkkadoaimmain. Jos eretorrun dáhpáhuvvá dávjá, ofelaš-bagadalli ja rektor/veahkkerektor sagastallaba oahppiin.
Oahppolágádusa ortnetnjuolggadusrihkkumušain sáhttá oažžut čálalaš váruhusa ja studeanta sáhttá earuhuvvot oahppolágádusas mearreáigái. Ráŋggáštusat merkejuvvojit oahppihálddahusprográmmii. Juos lea čielggas, ahte studeanta ii áiggo oassálastit oahpahussii iige eretorrumii leat buorre sivva, sutnje sáddejuvvo veahkkerektora reivve. Jos studeanta ii čielggat eretorrumiid iige leat soahpan oahpuid ovdáneamis reivves addojuvvon beaivvi rádjái, gehččojuvvo, ahte studeanta lea earránan rektora mearrádusain.
Bargoeallimis oahppama áigge eretorrumis almmuhuvvo bargobáikki bagadallái bargobáikki geavadagaid mielde. Eretorrumis almmuhuvvo maiddái oahpaheaddjái gii bagada bargoeallimis oahppama dahje giellahárjehallama.