Dollabargoskuvlejupmi

Dollabargodohkálašvuođa dárbbaša, go bargat dolain. Dollabargu lea bargu, man dagadettiin šaddet čuotnamat dahje mas geavahit njuovččadola dahje eará lieggasa ja mii dagaha buollinvara.

Dollabargokoartta® ii goittotge gáibiduvvo bargguin, jos bargu dáhpáhuvvá

• fásta dollabargosajis
• bargovugiin mat eai dagat buollinvara
• čuozáhagain mat eai leat dáhkaduvvon

Dollabargoskuvlejumis oaččot dollabargodohkálašvuođa

Dollabargokursa bistá ovtta beaivvi ja doallá sisttis guhtta oahppodiimmu teoriija, suddjen- ja álgojáddadanhárjehusaid ja iskosa.

Skuvlejupmái gullet čuovvovaš fáttát:

• Dollabarggut dorvvolaččat
• Ovddasvástádusat ja geatnegasvuođat
• Dollabargoriskkat sierra doaibmanbirrasiin
• Dorvodoaimmat sierra doaibmanbirrasiin ja suddjenhárjehus, dorvvolašvuohta
• Doaibman lihkohisvuođas
• Álgojáddadanhárjehus
• Iskkus, gažaldagaid gieđahallan ja kurssa loahpaheapmi 

Kursa doallá sisttis suomagielat oahppogirjji Álggedettiin dollabargguide (Ryhdyttäessä tulitöihin). Oahppogirji lea vejolaš oažžut maiddái ruoŧagillii, ruoššagillii, esttegillii, látviagillii, lietuvagillii, espánnjagillii ja duiskkagillii. Skuvlejumiid ii lágit SPEK muhto iehčanas kursajođiheaddjit iežas skuvlenorganisašuvnnaideaset ovddasteaddjin.

Skuvlejumi haddi lea 178,21 € doallá sisttis oahppogirjji, skuvlejumi, iskosa, álgojáddadanhárjehusaid, koartta ja árvvulassevearu 25,5 %.