SRR Vuosttašveahkkekursa EA 1®

SRR Vuosttašveahkkekursa EA 1® ollašuhtto guovtte oasis. Vuosttašveahki fáttáid teoriija stuđerejuvvo neahtas iehčanassii ja praktihkalaš hárjehusat lagašoahpahusas. Vuosttaš oassái gullá oahppu neahtas. Dohkkehuvvon čađaheami maŋŋá oažžu vuoigatvuođa oassálastit lagašoahpahussii. Dohkkehuvvon vuosttašveahkkečađaheapmi gáibida sihke iehčanas oahpuid čađaheami neahtas ja lagašoahpahusa čađaheami 6 mánotbaji áigge.

Mihttomearrin SRR Vuosttašveahkkekurssas EA 1® lea lasihit roahkkatvuođa veahkehit dáhpáhusain main dárbbaša heahtevuosttašveahki ja árgga smávit bárttiin.

Skuvlejumi sisdoallu:

• doaibman veahkehandáhpáhusas
• dieđuhis olbmo dovdán ja vuosttašveahkki
• bossun- deattašanjiellun ja ráđđejeaddji váibmovuolggaheaddji geavaheapmi
• vuosttášveahkki olbmui gii lea buvváneamen
• garra vardima bisseheapmi lahtuin
• dábáleamos dohppehallamiid vuosttašveahkki
• dábáleamos háviid ja buollinváttuid vuosttašveahkki
• lađasváttuid ja seargan dávttiid vuosttašveahkki
• bárttiid eastadeapmi
• dearvvašvuođa ovddideapmi
• psyhkalaš vuosttašveahkki. 

SRR Vuosttašveahkkekursa EA 1® –duođaštus lea fámus 3 jagi. Vuosttašveahkkeskuvlejumit, mat čuvvot Rukses Ruossa vuosttašveahki skuvlenprográmmaid, addet persovnnalaš gelbbolašvuođa, main oassálasti čađaheapmi merkejuvvo gelbbolašvuođaregistarii. Vuosttašveahkkekurssaid sisdoalut ja vuosttašveahkeskuvlejeaddji devdet Álbmotealáhuslágádusa ja buohcooadjolága gáibádusaid bargosaji vuosttašveahkkegearggusvuođa bajásdoallamis oassin bargodearvvašvuođa- ja bargosuodjalandoaimmaid.

SRR Vuosttašveahkkekursa EA 1® kombinašuvdnaskuvlejumi haddi lea 167 euro, dasa gullá mobiilakoarta ja árvvulassevearru 25,5%. 

Oahpahusgiellan lea suomagiella.

Sámi oahpahusguovddážis vuosttašveahkkeskuvlejeaddji lea 
Anne Kaisanlahti (ETK)
anne.kaisanlahti@sogsakk.fi
tel. 0404878891

Sávan buriid oahpuid, oaidnalit lagašbeivviin.
dearvvuođaiguin Anne

Mii leat Rukses Ruossa Vuosttašveahki ARVOkumppani® Loga lasi (suomagillii).