SRR Vuosttašveahkkekursa EA 2®

Sámi oahpahusguovddáš skuvle vuosttašveahki SPR prográmma mielde. EA-2 skuvlejumis hárjehallat earálágan vuosttašveahki fáttáid ja buoridit árabut ohppojuvvon vuosttašveahkkedáidduid. Mihttomearrin lea oažžut sihkarvuođa doaibmat earálágan dáhpáhusain main dárbbaša vuosttašveahki ja čiekŋudit vuosttašveahki teorehtalaš ja máhtolaš dáidduid.

Skuvlejumi vuođđodiehtogáibádussan lea SRR Vuosttašveahkkekursa EA 1® -duođaštus mii lea fámus.

SPR Vuosttašveahkkekursa EA 2® -skuvlejumi sisdoalut: 

• Heahteveahki geardduheapmi
• Máná, njuoratmáná ja heavvanan olbmo jiellun
• Vuosttašdoaimmat veahkehandáhpáhusas
• Dáhpáhusa dovdán ja áicamat
• Veahki dárbbašan olbmo sirdin ja heahtesirdin
• Vuosttašveahkkerumašguottut ja fákten
• Seargan dávttit ja čielgeváttut, oaiveváttut
• Galbmasa dagahan váttut (suvččageamit) ja hypotermiija
• Lieggasa dagahan buohcuvuođat
• Psyhkalaš vuosttašveahkki 

SRR Vuosttašveahkkekursa EA-2® –duođaštus lea fámus 3 jagi. Vuosttašveahkkeskuvlejumit mat čuvvot Rukses Ruossa vuosttašveahki skuvlenprográmmaid addet persovnnalaš gelbbolašvuođa, main oassálasti čađaheapmi merkejuvvo gelbbolašvuođaregistarii. Vuosttašveahkkekurssaid sisdoalut ja vuosttašveahkkeskuvlejeaddji devdet Álbmotealáhuslágádusa ja buohcooadjolága gáibádusaid bargosaji vuosttašveahkkegearggusvuođa bajásdoallamis oassin bargodearvvašvuođa- ja bargosuodjalandoaimmaid. 

SRR Vuosttašveahkkekursa EA 2® -skuvlejumi haddi lea 167 euro, doallá sisttis mobiilakoartta ja árvvulassevearu 25,5%. 

Oahpahusgiellan lea suomagiella.

Sámi oahpahusguovddážis vuosttašveahkkeskuvlejeaddji lea
Anne Kaisanlahti (ETK)
anne.kaisanlahti@sogsakk.fi
tel. 0404878891

Sávan buriid oahpuid, oaidnalit lagašbeivviin.
dearvvuođaiguin Anne

Mii leat Rukses Ruossa Vuosttašveahki ARVOkumppani® Loga lasi (suomagillii).