Hygieniijapássaiskkus

Hygieniijapássa lea duođaštus das, ahte hálddaša borramušgálvvuid gieđahallama rivttes vuogi mielde. Suoma borramušgálvolága mielde hygieniijapássa dárbbaša, jos bargá ovdamearkka dihtii kafeas, restoráŋŋas, stuorragievkkanis, kioskkas, báikkiin main oažžu jođánisbiepmu, borramušgálvogávppis, beaiveruovttus dahje fabrihkas mii válmmašta borramušgálvvuid.

Hygieniijapássa galgá skáhppot maŋimuštá golmma mánotbaji siste barggu álggaheamis. Golmma mánotbadjái rehkenastojuvvojit maiddái máhccevaččat árat borramušgálvosuorggi barggut, main gáibiduvvo hygieniijapássa. Hygieniijapássa lea fámus doaisttážii dáláš láhkaásaheami mielde. Hygieniijapássavuogádaga hálddaša Biebmodoaimmahat. 

Hygienijapássaiskkus

Hygieniijapássaiskosa gažaldagat leat girjjálaš gažaldagat, maid Biebmodoaimmahat lea ráhkadan. Hygieniijapássaiskosis leat 40 riekta / boastut -gažaldaga. 

Dábálaš hygieniijapássaiskosis (gielat suoma-, ruoŧa- dahje eaŋgalasgiella) lea 45 minuhta áigi vástidit gažaldagaide ja iskosis oažžu vuolgit eret áramustá 20 minuhta maŋŋá iskosa álgimis.