Turismasuorggi dorvvolašvuođapássa

Turismasuorggi dorvvolašvuođapássa Matupa lea idjadan-, biebmansuorggi, prográmmabálvalussuorggi ja čierastanguovddážiid bargiide dahkkojuvvon eaktodáhtolaš dorvvolašvuođaskuvlejupmi. Iešalddes Matupa lea dáid surggiid dorvvolašvuođakoarta: dat addá bargiide vuođđodieđuid turismma dorvvolašvuođaáššiin ja movttiidahttá ovddidit iežas dorvvolašvuođadáidduid.

Skuvlejupmi lea oaivvilduvvon buohkaide geat doibmet turismmas, hotealla- ja restoráŋŋasurggiin, lihkadan- ja olgolihkadanbálvalusaiguin, festiválaiguin, eallámušpárkkain ja dáhpáhusaiguin. Matupa mihttomearit leat áššehasdorvvolašvuođa lasiheapmi, lihkohisvuođaid eastadeapmi ja turismabuktagiid kvalitehta buorideapmi.

Dorvvolašvuođapássaskuvlejupmi doallá sisttis gávcci oahppodiimmu ja daid sáhttá juohkit guovtti beaivái. Skuvlejupmái gullet logaldallamat, ságastallan, iešárvvoštallan ja joavkobarggut.

Kurssa haddi molsašuddá dan lágideaddji mielde.