Oza stuđeret
SOG:is sáhtát stuđeret ámmáhii persovnnalaš máhtu ovddidanplána mielde iežas bálgá mielde. Ohccit geat leat loahpaheamen vuođđooahpahusa ja ohccit geat leat dutkosa haga ohcet oktasašohcamis Opintopolku-bálvalusas. Jos leat čađahan ámmátlaš dutkosa, logahaga dahje allaskuvladutkosa, ohcan dáhpáhuvvá njuolga oahppolágádussii. Earáid skuvlejumiid oasis ohcan lea njuolga oahppolágádussii. Ollesáigásaš ohcamis sáhtát ohcat ámmátlaš skuvlejupmái njuovžilit birra jagi. Oahpuid álggahanvejolašvuohta molsašuddá skuvlensurggiid mielde ja dása váikkuhit ee. ohcci árat skuvlejupmi ja máhttu.
Geahčas vloggaid, videomuitalusaid, mat muitalit stuđeremis Anáris!
Accept cookies
Please accept marketing cookies to view this content.
Oahpásmuva sierra ohcankanálaide
Vuođđooahpahusa loahpaheaddjit ► Oktasašohcan
Ohcanskovvi ámmátlaš vuođđoskuvlejupmái devdojuvvo Opintopolku.fi -bálvalusas oktasašohcama áigge guovva-njukčamánus. Eará, go oktasašohcamis sáhtát ohcat ollesáigásaš ohcamis njuolga oahppolágádussii.
Ovttas ámmátlaš vuođđodutkosiin sáhtát čađahit maiddái logahatoahpuid ja stuđeantadutkosa. Juos háliidat čađahit ng. duppaldutkosa, oza ámmátlaš vuođđodutkosii oktasašohcama bokte. Vuođđodutkosa oktavuođas lea almmuhuvvon, ahte gažaldagas lea skuvlejupmi, mas sáhttá čađahit maiddái logahaga. Merke ruossain ohcanskovvái, ahte leat berostuvvan dán molssaeavttus.
Logahatoahpuid álggaheapmi ovttas ámmátlaš oahpuiguin lea vejolaš maŋŋeleapposge ja das sáhttá soahpat maiddái oahpuid áigge.
Jos dus lea suorggi bargosadji, sáhtát čađahit dutkosa osiid maiddái oahpposoahpamušskuvlejumiin.
Ámmátlaš dutkosa dahje allaskuvlla čađaheaddjit ► Ollesáigásaš ohcan
Ollesáigásaš ohcan addá vejolašvuođa ohcalit ámmátlaš skuvlejupmái njuovžilit birra jagi. Ollesáigásaš ohcan ollašuvvá eará vugiin suorggi ja ohcci árat skuvlejumi ja máhtu mielde. Jos leat bargguhis bargoohccin BE-doaimmahagas, sagastala skuvlejupmái ohcamis vuos iežat BE-doaimmahagas. Rávisstuđeanttat sáhttet ohcat maiddái KELA oahppodoarjaga.
Jos dus lea suorggi bargosadji, sáhtát čađahit ámmátlaš dutkosa maiddái oahpposoahpamušskuvlejupmin.
Ollesáigásaš ohcamis sáhtát jearrat lasi min oahppodoaimmahagas opintotoimisto@sogsakk.fi dahje 040 707 3793.
Ohcan sámegielaid lohkanjahkeskuvlejumiide
Jos ozat anáraš-, davvisáme- dahje nuortalašgiela ja kultuvrra oahpuide, deavdde elektrovnnalaš skovi mii gávdno skuvlenkaleandaris.
Ohcanáigi lea giđđat 2026.
Ohcan oanehisskuvlejumiide
Sámegiela ja kultuvrra oanehisskuvlejumiin almmuhuvvo skuvlla neahttasiidduin ja sosiála medias (Facebook ja Instagram @sogsakk). Oanehisskuvlejumiide ohccojuvvo deavdimin elektrovnnalaš skovi mii gávdno skuvlenkaleandaris.
Lassedieđut lyhytkoulutukset@sogsakk.fi.
Lohpe-, gelbbolašvuođa-, koarta- ja eará oanehisskuvlejumiin almmuhuvvo skuvlla ruoktosiidduin ja sosiála media kanálain. Dáidda skuvlejumiide ohccojuvvo deavdimin elektrovnnalaš skovi mii gávdno skuvlenkaleandaris.
Lassedieđut Sirkka-Liisa Jomppanen, tel. 050 309 3705, sirkka-liisa.jomppanen@sogsakk.fi.
Sámi oahpahusguovddáža oahppodoaimmahat,
tel. 040 707 3793, opintotoimisto@sogsakk.fi.