Boazodoalu ámmátdutkkus

Boazodoalu ámmátdutkkus

Jos leat jo guhkit áigge leamaš boazobargin/badjeolmmožin, muhto dovddat ahte máhttogáibádusat lassánit, boađe dievasmahttit iežat ámmátdáiddu boazodoalu ámmátdutkosa oahpuiguin. Boazodoalus leat jámma nuppástusat: eará eanageavaheami lassána, EU ja biergomárkanat ásahit hástalusaid boazodollui. Boazodoallomáhtu lassin boazodoallis gáibiduvvojit fitnodatdoalli dáiddut ja máŋgga suorggi čehppodat.

Boazodoalu ámmátdutkkus lea oaivvilduvvon boazobargiide/badjeolbmuide, geat leat doaibman ealáhusas máŋggaid jagiid nu, ahte suorggis ja barggus lea čoggon ollu vásáhus. Ámmátdutkkusskuvlejupmi bálvala daid, geat leat beroštuvvan doallat iežaset ámmátdáiddu áiggi dásis, čuovvut suorggis dáhpáhuvvi nuppástusaid ja ráhkkanit dáidda nuppástusaide. Boazodoalu ámmátdutkkus addá lasseárvvu ja vejolašvuođaid lasihit dieđuid ja dáidduid. Dutkosa dahje dan osiid čađaheapmi lea oinnolaš vuohki čájehit iežas máhtu. Dutkosa čađaheapmi addá maiddái gelbbolašvuođa joatkkaoahpuide fidnoallaskuvlii dahje universitehtii. 

Boazodoalu ámmátdutkosa sáhttá skáhppot njuovžilit barggu olis. Geavatlaš boazodoalu hálddašeapmi lea guovddáš oassi ámmáhis. Boazodoalu ámmátdutkkusskuvlejumis boazodoalu dáiddut viiddiduvvojit geavadatlaš ja njuovžilis skuvlejumiin. 

Skuvlejumis lea vejolaš oažžut suorggi ođđa dieđuid ja ovddidit ovttasbarggu ja fierpmádathuksema nuppiiguin geat barget boazodoaluin. Sierra sajiin boazodoalloguovllus boahtán boazodoallit oahpásmuvvet gaskaneaset ja ohppet nubbi nuppis boazodoallokultuvrra. Dát jos mii šaddada boazodoalli ámmátčeavláivuođa. 

Danin, ahte skuvlejupmái oassálastin doarju viidudit dáidduid

  • addá dieđuid ja dáidduid hálddašit norpmaid ja mearrádusaid, maid eiseválddiid gárvvistit 
  • addá lasseárvvu omd. skuvlejumiin sáhttá deavdit nuorra fitnodatdoalli álggahandoarjaga gáibádusaid - doarju boazobargiid ođđa hástalusaid ovddas 
  • buorida fitnodatdoaimma dáidduid - buorida gige go gilvu lassána  – buorida boazodoalu gánnáhahttivuođa 
  • lasiha dan ahte boazobargit dovdet gaskaneaset 
  • lasiha dáidduid máhttit doaibmat iešguđetlágan fierpmádagain 
  • lasiha atnit árvvus boazobargi ámmáha
  • dieđut ja dáiddut lasihit boazobargi ámmátčeavláivuođa 

BOAZODOALU ÁMMÁTDUTKOSA 150 máhttinčuoggá (mč) 

Ámmátdutkkus sisttisdoallá guokte bákkolaš dutkosa oasi ja njeallje váljaoasi. 

Geatnegahtton dutkosa oasit 90 mč 

Boazodoalu plánen ja ollašuhttin 60 mč 
Boazodoallofitnodatdoallin doaibman 30 mč 

Dutkosa váljaoasit 60 oč 

  • Bohcco njuovvan njuovahagas 30 mč
  • Bohcco ruvjen ja bierggu čuohppan 30 mč
  • Buvttaovddideapmi boazodoalus 30 mč
  • Bálgosa hálddahusbargguin doaibman 30 mč
  • Árbevirolaš boazomateriálaid buvttadeapmi 30 mč
  • Dutkosa oassi dahje oasit nuppi ámmátlaš vuođđodutkosis, ámmátdutkosis dahje spesiálaámmátdutkosis 1-30 mč
  • Allaskuvlaoahput 1-30 mč

Dutkosa čađaheapmái gáibiduvvo, ahte čađahat (dohkkehuvvon) geatnegahtton osiid ja guokte váljaoasi. Oahpuide sáhttá ohcat birra jagi ja ohcama oktavuođas ráhkaduvvo persovnnalaš máhtu ovddidanplána. 

Doaivunjárgga oahpahusnjuovahagas leat buorre vejolašvuođat oahppat njuovvat njuovahagas ja gieđahallat bierggu. Sámi oahpahusguovddážis leat buorre vejolašvuođat ja čeahpes bargoveahka. Bures boahtin! 

Liŋka dutkosa vuođuštusaide: Boazodoalu ámmátdutkkus 

 

Áigeguovdilis skuvlejumit skuvlenkaleandaris

Lassedieđut

Oahpásmuva maiddái dáidda

  • Luonddu- ja birassuorggi vuođđodutkkus, boazobargi/badjeolmmoš

    Jos ealát boazodoalloservošis ja leat beroštuvvan máŋgga suorggi ja molsašuddi olgobargguin, boazosuorggi oahput heivejit dutnje bures. Áddet/ipmirdat, ahte dávjá galgá bargat garrasit ja hástaleaddji diliin buot dálkkiid čađa. Bargu dáhpáhuvvá ovttasbarggus eará boazobargiiguin/badjeolbmuiguin doppe, gos du ruohttasat leat.

  • Boazodoalu ámmátdutkkus

    Jos leat jo guhkit áigge leamaš boazobargin/badjeolmmožin, muhto dovddat ahte máhttogáibádusat lassánit, boađe dievasmahttit iežat ámmátdáiddu boazodoalu ámmátdutkosa oahpuiguin. Boazodoalus leat jámma nuppástusat: eará eanageavaheami lassána, EU ja biergomárkanat ásahit hástalusaid boazodollui. Boazodoallomáhtu lassin boazodoallis gáibiduvvojit fitnodatdoalli dáiddut ja máŋgga suorggi čehppodat.