Bargofápmoskuvlejupmi ja stuđeren bargguhisvuođaovdduin

Bargofápmoskuvlejupmi

Sámi oahpahusguovddážis lágiduvvojit bargofápmoskuvlejumit, maidda ohcat barggolašvuođaguovllu bargofápmobálvalusaid bokte. Bargofápmoskuvlejupmin sáhttá čađahit ámmátlaš vuođđodutkosiid, ámmátdutkosiid ja spesiálaámmátdutkosiid dahje daid osiid. Lassin sáhttit lágidit maiddái joatkka- dahje dievasmahttinskuvlejumi. Bargofápmoskuvlejumi stuđeantaválljen dáhpáhuvvá bargofápmobálvalusaid doaimmas. Bargofápmoskuvlejupmi lea oaivvilduvvon álgovurrosaččat bargguhis olbmuide dahje dáidda geat leat bargguhisvuođauhki vuollásaččat. Lassedieđut Työmarkkinatori-siiddus.

Iešoaivválaš stuđeren man bargguhisvuođaovdu doarju

Jos leat badjel 25-jahkásaš, bargguheapmin dahje bargguhisvuođauhki vuollásažžan, sáhtát čađahit ámmátlaš dutkosa, dan osiid dahje árabut gaskan báhcán dutkosa lohppii bargguhisvuođaovddu doarjagiin. Gáibádus dása lea, ahte skuvlejupmi buorida du vejolašvuođaid bargguoažžumii.

Iešoaivválaš stuđeremii bargguhisvuođaovdduin ohcat ollesáigásaš ohcamis ja mearrádusa stuđeantta válljemis dahká Sámi oahpahusguovddáš. Váldde oktavuođa vejolaš ára muttus BE-bálvalusaide, gos árvvoštallojuvvo, buoridago skuvlejupmi du ámmátdáiddu ja vejolašvuođaid bargomárkaniin ja divvetgo earát gáibádusat iešoaivválaš stuđerema doarjumii. Lassedieđut Työmarkkinatori-siiddus.    

Ohcaleapmi ja skuvlenrávven

Juos leat beroštuvvan bargofápmoskuvlejumis dahje iešoaivválaš stuđeremis bargguhisvuođaovdduin, váldde oktavuođa barggolašvuođaguovllut lagamus áššiiddikšunčuoggái: https://www.sodankyla.fi/tyo-ja-elinkeinot/tyovoimapalvelut/yhteystiedot/ 

Ohcaleamis ja oahpuid ruhtadeamis oaččot lassedieđuid maiddái Työmarkkinatori elektrovnnalaš áššiiddiškuma rávvenbálvalusas, tel. 0295 025 505. Nevvohat bálvala maiddái chattis.