Luonddu- ja birassuorggi vuođđodutkkus, luonddubagadalli
Luonddubagadalli lea máŋgga suorggi čeahppi. Viiddis luonddu ja kultuvrra dovdámuš ja máhtu johtit ja doaibmat meahcis leat nana vuođđun luonddubagadalli ámmáhii. Dan lassin luonddubagadalli bargu lea vásttolaš áššehasbálvalanbargu, mas luonddubagadalli fállá áššehasaide luonddu muosáhusaid ja juohká dieđu luonddus, luonddufenomenain ja báikkálaš kultuvrras.
Oahput leat geavatlaččat ja sisttisdollet vuosttaš jagi vuođđodáidduid ja -dieđuid oahpahusa, omd. meahccedáiddut, bargo- ja meahccebargoneavvut, luonddudovdámuš ja sámekultuvra. Nubbi jahki lea ng. bargoeallinjahki, goas studeanta beassá ovddidit áššehasbálvalan- ja oahpistandáidduid sihke lagašoahpahusas skuvllas ja geavatlaš bargguin suorggi bargobáikkiin.
Luonddubagadalliskuvlejupmi addá buorre vuođu oahpistit iešguđetlágan áššehasasaid sierra luondduaktivitehtain. Davvi guovllu turisma lassána ainja čeahpes bagadalliide ja oahpisteaddjiide lea dárbu. Lassin bargovejolašvuođat leat lassáneamen iešguđetlágan ámmáhiin, main máŋgga suorggi diehtu ja máhtu ovttastuvvet, degomat sosiála- ja dearvvašvuođasuorggit ja biebmosuorgi.
Dutkkusnamahus
Luonddubagadalli
Viidodat
180 oč
Ollesáigásaš ohcan
Sáhtát ohcat oahpuide birra jagi. Jeara álggahanvejolašvuođain oahppodoaimmahagas.
Báiki
Anár
Oahpahanvuohki
Lagašoahpahus
Áigeguovdilis skuvlejumit skuvlenkaleandaris
Lassedieđut
Oahpásmuva maiddái dáidda
-
Sámegiella ja -kultuvraSámegiela ja kultuvrra skuvlejupmi lea guovddáš sajis seailluheamen ja ovddideamen sámekultuvrra. Bargu, mii dahkko sámeguovllus ja dan olggobealde, lea dehálaš olles sámeservodaga identitehta ja giela eallinfámolašvuođa geahččanguovllus. Mii fállat sámegiela ja -kultuvrra skuvlejumi davvisámegielas, nuortalašgielas ja anárašgielas.
-
DuodjiDuodji lea guovddáš oassi sámekultuvrras. Min duodjeskuvlejupmi vástida dánáigásaš hástalusaide ja geavaha ja heiveha árbevirolaš máhtu. Oahpuid áigge studeanttaid hutkáivuohta, giehtadáiddut ja nákca čoavdit váttisvuođaid nanosmuvvet.
-
BoazodoalluBoazodoallu lea máŋggabealat ja dehálaš ealáhus, mas ovttastuvvet ruhtadoallu, kultuvrra ja biras. Dat gáibida vuogáiduvvat luonddudiliide ja servodaga nuppástusaide, muhto seailluha seammás čiekŋalis oktavuođa davvi eamiálbmotkultuvrraide ja árbevieruide.
-
TurismaTurismasuorggi skuvlejupmái sáhttet ohcat sihke oahppogeatnegas ja ráves ohccit. Mii fállat lagašoahpahussan skuvlejumi man mihttomearrin lea árktalaš luondduturismačehppodat, mas dehálaš oassin leat earet eará oahpistan- ja vánddardandáiddut. Rávesolbmuide vuogas skuvlejumit sáhttet leat dat dutkosa oasit, mat vuođđuduvvet bargoeallimii. Ohcci sáhttá válljet iežas beroštumi mielde ovdamearkka dihtii idjadan-, biebmo- dahje turismma vuovdinbálvalusaid. Oahpásmuva e-vuođuštusain lasi turismasuorggi vuođđodutkosa máŋggabealat vejolašvuođaide!
-
Sosiála ja dearvvašvuohtaOza stuđeret Sosiála- ja dearvvašvuođasuorggi vuođđodutkosa Sámi oahpahusguovddážii ja ráhkkan bargui, mii lea mearkkašahtti ja lahka olbmuid. Háliidatgo bargat dakkár barggu, mas beasat veahkehit ja doarjut olbmuid árggas? Háliidatgo, ahte du bargu lea máŋggabealat ja addá vejolašvuođa šaddat ámmátlažžan? Lagašdivššárin sáhtát bargat sierra ahkásaš olbmuiguin, dikšut, veajuiduhttit ja bajásgeassit.
-
Restoráŋŋa ja cateringGoahkkaoahpuin stuđeanttat geavahit biepmu ráhkadeamis valjis lagašguovllu buhtis ja alla kvalitehta ávdnasiid, dego bohcco, guoli, murjjiid ja guobbariid. Báikkálaš ávdnasiid skáhppomis stuđeanttat leat maiddái ieš aktiivvalaččat mielde.
-
FitnodatdoaibmaLeatgo beroštuvvan máŋggabealat áššehasbálvalusa ja vuovdima bargguin? Háliidivččetgo leat márkanastima ja visuálalaš plánema čeahppi? Leago dus suorggi bargovásihus, muhto dutkkus váilu? Dovddatgo dárbbu beaivádit dahje viiddidit iežat máhtu? Jos vástidit muhtun sadjái juo, fitnodatdoaimma vuođđodutkosa stuđeren Sámi oahpahusguovddážis sáhtášii leat rivttes molssaeaktu justa dutnje!
-
Oanehisskuvlejumit (kurssat)Sámi oahpahusguovddáš ordne sámegiela ja kultuvrra oanehiskuvlejumiid (kurssaid) bokte iešguđetlágan oanehis skuvlejumiid gáiddusin ja sierra sajiin sámeguovllus lagašoahpahussan. Skuvlejumit, mat lágiduvvojit giliin lagašoahpahussan, leat eanaš duodjeskuvlejumit. Skuvlejumit, mat leat gáiddusin, leat fas giellaskuvlejumit ja daid bistu molsašuddá. Mii ordnet maid dakkár sámegielaid gáiddusskuvlejumiid, main galgá máksit. Oanehisskuvlejumit devdojuvvojit almmuhanortnegis juos ii eará láhkai almmuhuvvo.