Dáiddaindustriijasuorggi vuođđodutkkus, artesána

Dáiddaindustriijasuorggi vuođđodutkkus, artesána

Oahpuid vuosttas jagi dutkosa oasis “Duoji duddjon, 45 mč” váldodeaddun leat duodjemateriálaid gieđahallan, vuođđoteknihkaide oahpásmuvvan ja kultur- ja gielladiđolaš doaibman. 

Dutkosa váljaosiin studeanta čiekŋuda dan maid lea juo ovddežis oahppan ja oahpásmuvvá materiálaide, bargovugiide ja –teknihkaide ja bargá áššehasa dárbbuid mielde. Studeanttas lea vejolašvuohta ovdamearkka dihtii oahpásmuvvat iežas soga biktasiidda, čiekŋudit máhtu siste- ja náhkkebargguin, gođđimis jna. dahje stuđeret fitnodatdoallama ja buvttan dahkama. Studeantta sáhttá lagašoahpahusa lassin skáhppot máhtu juogo bargoeallimis dahje iehčanas fidnuin, ovdamearkka dihtii studeantta ruovttuguovllus.

Duodje- ja dáiddasuorggi geatnegahtton dutkosa oassi “Buvttan ráhkadeapmi ja iežas máhttima birra muitaleapmi, 10 mč” čađahuvvo oahpuid loahppamuttus juogo 2. dahje 3. lohkanjagi. 

Sámegiela oahput  

  • Sámegiella álgooahpuid studeanta čađaha 1. ja 2. jagi ja dat leat dutkosa molssaevttolaš oassin. Viidodat 5-12 mč.
  • Sámegiella eatnigiellan oahput leat 2. jagi ja dat gullet dutkosa oktasaš oassái.  
  • Sámegiella nubbin giellan oahput leat 2. jagi ja dat gullet dutkosa oktasaš oassái. 
  • Duodjesuorggi geatnegahtton dutkosa oassái “Duoji duddjon” gullet duodjesuorggi ámmátsánit iežas gielladáiddu mielde. Čađahuvvo vuosttas jagi. 

Ohcaneavttut

  • Ohcci galgá oassálastit oahppolágádusa lágidan sisabeassaniskosii.
  • Dipmadujiid suorggis studeantta bargama vuolggasadjin lea su iežas soga, servoša ja guovllu duodjekultuvra.

Oahpahanvuohki

Lagašoahpahus. Studeantta persovnnalaš máhtu ovddidanplána (suom. HOKS) mielde oahpahus sáhttá vejolaččat leat maiddái eahkedis ja vahkkoloahpaid áigge.

Ohcci galgá oassálastit oahppolágádusa lágidan sisabeassaniskosii. Iskkus sisttisdoallá bargobihtáid maid galgá máhcahit poastta bokte ja jearahallama mii ollašuhtto gáiddusin. Sáhtát oažžut dohkkehuvvon iskosis 1-10 čuoggá. Juos ovtta bargobihtás oažžu 0 čuoggá, lea iskosa ollislaš boađus 0. Hilgojuvvon iskkus lea eastta studeantan válljemii (0 čuoggá dahje ii oassálastán iskosii).

Dutkosa viidodat lea ollislašvuođas 180 máhttinčuoggá. Dutkkus čoaggana ámmátlaš dutkosa osiin (145 mč) ja oktasaš dutkosa osiin (35 mč).

Dutkosa geatnegahtton oasit 55 mč  

  • Buvttan ráhkadeapmi ja máhtus gaskkusteapmi, 10 mč 
  • Duoji duddjon, 45 mč

Dutkosa váljaoasit 90 mč   

  • Studeantta persovnnalaš máhtu ovddidanplána (suom. HOKS) mielde  

Dutkosa oktasaš oahput 35 mč   

  • Gulahallan- ja vuorrováikkuhusmáhttu
  • Matemáhtalaš-luonddudieđalaš máhttu
  • Servodat- ja bargoeallinmáhttu

Lassedieđut dutkosa čoagganeamis ja dutkosa osiin: Dáiddaindustriijasuorggi vuođđodutkkus, e-vuođustusat ​

Dáiddaindustriijasuorggi vuođđodutkosa čađahan studeanta máhttá háhkat ja geavahit duodjesuorggi kulturdieđu barggustis. Son máhttá háhkat ja ovdanbuktit duodjemateriálaid luonddu lunddolaš gierddu mielde ja iešguđetlágan lobiid mielde. Son máhtta plánet ja duddjot dujiid, plánet iežas barggu ja háhkat máŋggabealagit dieđu suorggistis. Son geavaha barggadettiinis sámegielat ámmátsániid. Dáiddaindrustriijasuorgái leat mihtilmasat estehtalaš, visuálalaš ja kultuvrralaš máhttu, giehtádáiddut ja maiddái fitnodatolmmožin bargan.

Barggut main dutkosa čađahan sáhttá doaibmat

Dáiddaindustriijasuorggi vuođđodutkosa čađahan sáhttá doaibmat fitnodatolmmožin dahje iežas suorggi buktagiid hábmen-, plánen- ja válmmaštanbargguin, bagadallanbargguin, áššehasbálvalanbargguin ja vuovdinbargguin.  

Dáiddaindustriijasuorggi dutkosa čađahan ártesána bargá iežas suorggi kvalitehtagaibádusaid mielde. Son dovdá riektenjuolggadusaid, suorggi geavadiid ja suvdilis ovdáneami vai sáhttá duddjot buktagiid ja balvalusaid áššehasaide.

Ohcan

Ohcan dipmaduodjeoahpuide dáhpáhuvvá njuolga oahppolágádussii
Ohcanskovvi

Lassedieđut

Niemelä, Teaoahppobagadalli, erenoamášoahpaheaddji

+358 40 723 7201
tea.niemela@sogsakk.fi

Čájet buot dieđuid
Oahppodoaimmahat

+358 40 707 3793
opintotoimisto@sogsakk.fi

Čájet buot dieđuid

Duoji máhttosurggiid molssaeavttut

  • Čikŋageađgi ja árvometálla

    Čikŋageađggi- ja metállasuorggi oahpuid vuođđodutkosis vuosttas jagi váldodeaddu lea sámečiŋain ja vuođđoteknihkain nu geađgebargguin go metállabargguin. Nuppi jagi álggus leat vel muhtun buohkaide oktasaš vuođđohárjehusat muhto muđui studeanttat válljejit oahpuid beroštumiiddiset mielde.

  • Dipmaduojit

    Dipmadujiid suorggis studeantta bargama vuolggasadjin lea su iežas soga, servoša ja guovllu duodjekultuvra. Studeanttas lea vejolašvuohta ovdamearkka dihtii oahpásmuvvat iežas soga gárvvuide, čiekŋudit iežas máhtu siste- ja náhkkebargguin, čuoldimis, gođđimis dahje stuđeret fitnodatdoallama ja buvttan dahkama.

  • Garraduojit

    Garradujiid skuvlejumis váldomateriálan leat bohcco čoarvvit ja dávttit, soagi báhkit ja earát muorramateriálat ja stálli mii geavahuvvo bargobiergasiid válmmašteapmái. Skuvlejumis oahppá geavahit viidásit sierra teknihkaid materiálaid ávnnasteapmái ja mii doarjut studeantta gávdnat iežas hábmengiela ja ámmátidentitehta. Suorggi sáhttá stuđeret vuođđodutkkus-, ámmát- dahje earenomášámmátdutkkusskuvlejumiin.