Siste- ja náhkkeduojit – Duoji duddjon, 45 mč

Hálidat go oahppat siste- ja náhkkedujiid ja duddjot gisttáid, gápmagiid ja veaskkuid sisttis ja gápmasiin?

Dát dutkosa oassi heive dutnje, gii hálidat oahppat duodjesuorggi siste- ja náhkkedujiid vuođđodieđuid ja oahpásmuvvat sámeduojis geavahuvvon materiálaide ja bargovugiide duddjomiin buvttagiid.

Maid oahput sisttisdollet?

Oahpuid áigge oahpat ávnnastit ja gieđahallat ávdnasiid álggu rájes buvttan ja duddjot gárvves buktagiid. Oahpuide gullet:

• persovnnalaš máhtolašvuođa ovddidanplána (HOKS)
• vuosttašveahkkedáiddut
• ávnnasteapmi ja ávnnasdikšun
• veaskuid ja seahkaid plánen ja duddjon
• sistedikšun
• gámasdikšun
• gisttáid hábmen ja duddjon
• goikkehiid/nuvttohiid hábmen ja duddjon
• sistegápmagiid hábmen ja duddjon
• duoji duddjon, čájeheapmi/ámmátiskkus

Dutkosa oassi

Duoji duddjon 45 mč lea Dáiddaindustriija vuođđodutkosa dipmadujiid oahpposuorggi geatnegahtton dutkkusoassi.

Praktihkalaš ordnejumit

• Oahput ollášuvvet lagašoahppun Anáris.
• Áigi: 11.8.2026–28.5.2027 árgabeivviid diibmu 8.50–15.25 lohkanortnega mielde.
• Dutkkusoassái gullevaš oahpahus lea čakčalohkanbaji vahkuin 33–36, 38–41, 43–47 ja 50–51, ja giđđalohkanbaji vahkuin 1–8, 12–21.
• Studeantta persovnnalaš máhtu ovddidanplána (suom. HOKS) mielde oahpahus sáhttá vejolaččat leat maiddái eahkedis ja vahkkoloahpaid áigge.

Ohcaneavttut

• Ohcci galgá oassálastit oahppolágádusa lágidan sisabeassaniskosii.
• Dipmadujiid suorggis studeantta bargama vuolggasadjin lea su iežas soga, servoša ja guovllu duodjekultuvra.