Tubeʹtteei Mansikkka puätt škooulted sääʹmnuõrid Aanra da vuässââtt še cuâŋmannu 12. peeiʹv Vuõccust jäʹrjstum Sääʹmnuõri čeäʹppvuõđpeivva. Čeäʹppvuõđpeeiʹv tubeʹttemtemma õhttneei škooultõs lij neljdpeeiʹv 15. 2. klo 13.00 – 14.00 Sajoozz auditoriost. Podd lij äävai pukid ǩeäiʹd miõll ǩeäss tok.
Mansikkka mušttal jiijjâs tuej pirr da mooutat nuõrid tuõttân tuejjeed jiijjâs juʹrddjid tuõsttlânji da äävmiõlin. Õuʹddepuʹhttem mâŋŋa son vaʹsttad kõõččmõõžžid.
Škooultummuš striimjet da ruõkkât škooultõõzz diõtt. Striim vuäitt čuâvvad addrõõzzâst: http://sogku.fi/live. Striim pooddâs kääzzkõʹsse ääʹveet še chatt, koon pääiʹǩ vuäitt piijjâd kõõččmõõžžid Mansikkan.
Iʹlmmtõõttmõš škooultõʹsse: http://bit.ly/sndd2018-tube
Mansikkka (Maiju Voutilainen) toiʹmm Sääʹmnuõri čeäʹppvuõđpeeiʹv tubeʹttem suõjjleejen di ǩeâšt videooi ärvstõõllʼjen. Mansikkka lij õhtt tän poodd peäggtum tubbeʹtteei Lääʹddjânnmest. Son lij mallšõs lifestyle-vaaikteei, kååʹtt rääʹǩǩast taaid da muoti da inspirââtt jeeʹresnallšem mallǩiõččlõõttmin. Maiju oudd jiijjâs jiõn kollʼjed. Tän ǩeeʹjjest son lij vuäǯǯam määŋgaid ǩeiʹttmid ǥu lij ǩiõttʼtõõllâm ruõkkâdvuõđin še vaiggääb aaʹššid. Vueʹǩǩšõs saakkvuârai lââʹssen Maiju silttad še hääʹsǩâʹtted pakkvuõiŋŋsâz vueʹjjin.
Šõddmõõžžast uudet še lââssteâđaid Sääʹmnuõri čeäʹppvuõđpeeiʹv tubeʹttemteeʹm pirr.
Škooultummuš teâuddjummšest vaʹsttad Sääʹmvuuʹd škooultõskõõskõõzz Aarktlaž pedagogiik -haʹŋǩǩõs õhttsâžtuejast Sääʹmtiiʹǧǧin. Lââssteâđaid škooultõõzzâst: kalle.sulkamo@sogsakk.fi
Lââssteâđ Sääʹmnuõri čeäʹppvuõđpeeiʹvest 2018: http://www.samediggi.fi/index.php?option=com_content&task=view&id=113&Itemid=182&lang=nuortta